2021/22 මහ කන්නයේ වී වගාව සඳහා අවශ්‍ය වන හිඟ කාබනික පොහොර සහ ස්වභාවික ඛනිජ අවශ්‍යතාවයන් ආනයනය කිරීමට රජය සැරසෙයි.

ඒ අනුව, හෙක්ටයාර් 500,000කට අවශ්‍ය කාබනික පොහොර ආනයනය කිරීමට පියවරගන්නා බව අද (01) පැවති කැබිනට් තීරණ දැනුම්දීමේ මාධ්‍ය හමුවේදී පැවසිනි.

කැබිනට් නිවේදනයේ තවදුරටත් සඳහන් වන්නේ ජාත්‍යන්තර තරගකාරී ප්‍රසම්පාදන ක්‍රමවේදය අනුගමනය කරමින් එම පොහොර අවශ්‍යතාවයන් රජයට අයත් පොහොර සමාගම් හරහා ආනයනය කෙරෙන බවය.

අනතුරුව එම කාබනික පොහොර ගොවිජන සේවා දෙපාර්තමේන්තුව හරහා ගොවීන් වෙත බෙදාහැරීමට නියමිතය.

මේ සම්බන්ධයෙන් ඊයේ දිනයේදී ජනාධිපතිතුමන් වෙත ලිපියක් යොමුකරන ජාතික සංවිධාන එකමුතුව පැවසුවේ රසායනික පොහොර වෙනුවට කාබනික පොහොර ආනයනය කිරීම මගින් ජනාධිපතිතුමන්ගේ සද්භාවය අහෝසි බන බැවින් කිස්සේත්ම ඊට ඉඩ නොදෙන ලෙසය.

ජාතික සංවිධාන එකමුතුව සැකසූ රසායනික පොහොර තහනම යථාර්තයක් කර ගත හැකි දොලොස්වැදැරුම් උපාය මාර්ගික ප්‍රවේශය

ආනයනික ජෛව කාබනික පොහොර වල අඩංගු ක්ෂද්‍ර ජීවීන් නිසා අත්විය හැකි ජෛව අපදාව මගින් කෘෂි නිෂ්පාදන පද්ධතියට සිදුවිය හැකි හානිය බරපතලයි- ජාතික සංවිධාන එකමුතුව