20 වන ව්‍යවස්ථා කෙටුම්පත තවදුරටත් සංශෝධනය කර යළි ගැසට් කරනවාද, එසේත් නැතිනම් අලුත්ම ව්‍යවස්ථා කෙටුම්පතක් නිර්මාණය කරනවාද යන්න සම්බන්ධයෙන් මේ වනවිට ආණ්ඩුව ඇතුළේ සංවාදයක් මතුව ඇති බව වාර්තා වේ.

ඊයේ (14) රාත්‍රීයේදී 20 සංශෝධනය කිරීම සදහා ජී.එල්. පීරිස් අමාත්‍යවරයාගේ නිවෙසේ අදාළ කමිටුව රැස්වූ අවස්ථාවේදී මේ සම්බන්ධයෙන් සාකච්ජා වී ඇති අතර සංශෝධන රැසක්ද ඊට යෝජනා කිරීමට පිරිස පියවර ගෙන ඇත.

කෙසේවෙතත් අද (15) දින මෙම කමිටුව අගමැති මහින්ද රාජපක්ෂ මහතා හමුවී මේ සම්බන්ධයෙන් වැඩිදුරටත් සාකච්ජා කිරීමට නියමිතව ඇති බවද දැනගන්නට තිබේ.

අද දිනයේදී මෙම කමිටුව නව කෙටුම්පතක් අගමැතිවරයාට බාර දෙනු ඇති බවට මාධ්‍ය වාර්තා පළ කොට තිබුණද අද දිනයේදී එවැන්නක් සිදු නොවන බවද දැනගන්නට ඇත.