ඊයේ(11) දෙරණ වාද පිටියට සම්බන්ධවෙමින් අදහස් දැක්වූ දේශ හිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා පවසා සිටියේ මහින්ද රාජපක්ෂ මහතාට මේ රටේ ජනතාව ලබාදුන්නේ තිස් වසරක යුද්ධය අවසන් කිරීම වෙනුවෙන් ලබා දුන් කෘතවේදීත්වයේ ඡන්ද බවත් ගෝඨාභය රාජපක්ෂ මහතාට ලබා දුන්නේ මේ රට ගොඩනගනු ඇතැයි යන දැවැන්ත බලාපොරොත්තුවෙන් ලබා දුන් ඡන්ද බවත් පැවසීය.

ඒ අනුව ගෝඨාභය රාජපක්ෂ මහතාට විශාල වගකීමක් ජනතාව විසින් පවරා ඇති බවත් ජනතාව පරණ මුහුණු 70ක් පාර්ලිමේන්තුවෙන් ඉවත් කර අළුත් මුහුණු 64ක් පාරිමේන්තුවට එවා ඇති බවත් පවසා සිටියේය.

ජනතාවගේ අපේක්ෂාවන් තෘප්ත කිරීමේ වගකීම හැර පැරැණි ඇමතිවරුන් මෙන් ඔවුන් කටයුතු කළහොත් වික්‍රමසිංහ මහතාට අත්වූ ඉරණම ඔවුනට අත්වීමට නියමිත බවද පවසා සිටියේය.  මහජනතාව ගෝඨාභය රාජපක්ෂ මහතා වෙත පවරා දුන් වගකීම එලෙසම ඉටු කිරීමට දැවැන්ත ශක්තියක් ලබාදීමට සවිඥානික විය යුතු බවත් පැවසුවේය.

(වීඩියෝව පහළින්)