එක්සත් අරාබි එමීර් රාජ්‍යයේ  (ඩුබායි ) හි සේවයේ නියුතු ශ්‍රී ලාංකිකයන් විශාල පිරිසක් මේවන විට වීසා කාලය අවසන්වී මෙරටට පැමිණීමට නොහැකිව  සිටින බවට තොරතුරු වාර්තාවේ.

අප වෙත ලැබී ඇති හඩ පටයකට අනුව විදෙස්ගත ශ්‍රී ලාංකිකයන් 600 ක පමණ පිරිසක් මෙසේ වීසා කාලය ඉකුත්වී රැකියාවන් පවා අහිමිව අපහසුතාවයට පත්ව සිටින බව කියවේ.

ඩුබායි සිට ශ්‍රී ලාංකිකයන් නැවත මෙරටට ගෙන්වා ගැනීම සඳහා ජුලි 31 සහ අගෝස්තු 01 යන දිනවල ගුවන් ගමන් දෙකක් සැලසුම් කර ඇති බව ජනාධිපති අතිරේක ලේකම් අද්මිරාල් ජයනාත් කොළඹගේ මහතා විසින් දන්වා ඇතත් ඩුබායි තානාපති කාර්යාල නිලධාරීන්ගෙන් විමවසීමේදී   කිසිදු ප්‍රතිචාරයක් නොදක්වන බවට ඔවුහු  චෝදනා කරති.

රජය විසින් මහජනතාවගේ  බදු මුදල් යොදවමින් ගුවන්යානා වෙන් කර සිදු කරන මෙම ක්‍රියාවලියේදී තානාපති කාර්යාල නිලධාරීන්ගේ ක්‍රියාකලාපයද නිසි ක්‍රමවේදයක් යටතේ හසුරුවන ලෙසත් පීඩාවකින් තොරව මෙම පිරිස මව්බිමට ගෙන්වා ගන්නා ලෙසත්  විදෙස්ගත ශ්‍රී ලාංකිකයන් රජයෙන්  සහ වගකිවයුතු නිලධාරීන්ගෙන්  ඉල්ලා සිටියි.

සබැදි පුවත් – 

විදෙස්ගත ශ්‍රී ලාංකිකයින්ව නැවත ගෙන ඒම සිකුරාදා අරඹයි

මූලාශ්‍ර – www.aviationvoice.lk