රට බරපතල විදේශ විනිමය අර්බූදයකට මුහුණ දී සිටියදී රාජ්‍යය වානිජ නීතිගත සංස්ථාව හරහා වෙඩි නොවදින හෙල්මට් 10,000ක් විදේශීය රටකින් ආනයනය කිරීමට ඇමති බන්දුල ගුණවර්ධන මහතා අවසර දී ඇතැයි වාර්තා වේ.
එම ආනයනය සඳහා අමාත්‍යය බන්දුල ගුණවර්ධන මහතා විසින් භාන්ඩාගාරය හරහා ඩොලර් මිලියන 10ක ඇපකරයක්ද ලබා ගෙන ඇති බවද වාර්තා වේ.

නමුත් යුද්ධය පැවැති වකවානුවේ පවා දේශීය සමාගමක් විසින් වෙඩි නොවදින හෙල්මට් 75,000ක් නිෂ්පාදනය කර රජයට සපයා ඇති බව පවසන රාජ්‍යය වානිජ නීතිගත සංස්ථා සේවකයෝ අදාල දේශීය සමාගමට එම ටෙන්ඩරය ලබා දුන්නේ නම් රට මුහුණ දී සිටින ඩොලර් අර්බූදය හමුවේ රට තුල විදේශ විනිමය ඉතිරි කර ගැනීමට අවස්ථාව සැලසෙන බව පවසති.

මේ අතර සංස්ථා සේවකයෝ දැඩිව චෝදනා කරන්නේ  විදේශ විනිමය නොමැති කමින් මේ තරම් දුෂ්කර තත්වයකට රට මුහුණ දී සිටින අවස්ථාවක දේශීය නිෂ්පාදකයන් සිටියදී විදේශ රටකින් වෙඩි නොවදින හෙල්මට් ගෙන ඒමට සැරසෙන්නේ කවුරුන් හෝ කෙනෙකු කොමිස් ගසා ගැනීමේ උවමනාවෙන් බවයි.