ඊයේ(22) අරලියගහ මන්දිරයේ දී මහජන නියෝජිතයන්, ආණ්ඩුකාරවරුන් සහ දිස්ත්රික් ලේකම්වරුන් ඇතුළු පිරිසක් හමු වූ අවස්ථාවේදී මුදල් අමාත්ය බැසිල් රාජපක්ෂ මහතා පවසා සිටියේ වසංගතය හමුවේ රට යම් අසීරුතාවකට පත්ව තිබෙන මේ මොහොතේ ජනතාව අපහසුතාවයට පත්නොවන ආකාරයට කටයුතු කිරීම මහජන නියෝජිතයින්ගේ හා නිලධාරීන්ගේ වගකීමක් බවයි.
එහිදී ඉදිරි ආර්ථික වැඩපිළිවෙළ සහ එය ක්රියාත්මක කරන ක්රමවේදය සම්බන්ධයෙන් ද අදහස් දැක් වූ මුදල් අමාත්යවරයා පවසා සිටියේ ආර්ථිකය සවිබල ගැන්වීම සඳහා වූ යෝජනාවලට මූලිකත්වය දෙන ඉදිරි මාස 6ක කාලය තුළ වඩාත් අවධානයෙන් සහ පසු විපරමින් යුතුව කටයුතු කිරීමේ අත්යාවශ්ය මෙන්ම වැදගත් බවයි.
වැඩිදුරටත් අදහස් දක්වමින් ආයෝජකයින් අපහසුතාවයට පත්වන අවස්ථා විධිමත්ව හඳුනාගෙන එවැනි අවස්ථා අවම කරමින් ආයෝජකයින් දිරිමත් කිරීමේ ක්රමවේද කෙරෙහි අවධානය යොමු කළ යුතුව ඇති බව ද අමාත්යවරයා පවසා සිටියේය.
අර්ථ සාධක අරමුදල සම්බන්ධයෙන් අදහස් දක්වමින් බැසි රාජපක්ෂ මහතා පවසා සිටියේ තමා මුදල් අමාත්යවරයා ලෙස පත්වීමෙන් පසුව අර්ථ සාධක අරමුදලෙන් 14% ක බද්දක් අය කරන බවට සමාජ මාධ්ය ඔස්සේ ගෙනයන ප්රචාර සම්පූර්ණයෙන් අසත්යයක් බවයි.
එහිදී බැසිල් රාජපක්ෂ මහතා ජනතාවගේ අවශ්යතාවලට මුල්තැන දෙමින්, අනවශ්යය වියදම්, නාස්තිය අවම කරමින් මනා මහජන සේවයක් සැපයීම සඳහා මේ අවස්ථාවේ සියලුම මහජන නියෝජිතයන්ගේ ආණ්ඩුකාරවරුන්ගේ සහ දිස්ත්රික් ලේකම්වරුන්ගේත් සහාය බලාපොරොත්තු වන බව ද අවධාරණය කළේය.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්ය...
අනුරාධපුර දිස්ත්රික් පාර්ලිමේන්තු මන්ත්රී ජනප්රිය රංගන ශිල්පී උද්දික ප්රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්රී ලාංකිකයන් 4 දෙනා නැවතත් ශ්රී ලංකාවට එවීමට...