පොලිස් මාධ්‍ය ප්‍රකාශක, ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පවසන්නේ ඊයේ(13) දිනයේ පමණක් සිදූ වූ රිය අනතුරුවලින් මරණ 10ක් වී ඇති බව යි.

එම මරණ වලින් මරණ 7ක්ම යතුරුපැදිකරුවන් වන අතර අනෙක් මරණ 3ට ගොදුරු වී ඇත්තේ පදිකයින් බව පොලිස් මාධ්‍ය ප්‍රකාශකවරයා පවසා සිටී.

මෙම තත්වය රිය අනතුරුවල සීඝ්‍ර වර්ධනයක් බවත් දිනකට මරණ 10ක් වාර්තාවීම වසරකට මරණ 3,650ක් බවත් පවසන අජිත් රෝහන මහතා අවධාරණය කරන්නේ මෙම තත්වය මෙරට මාර්ග පද්ධතිය අනුව ඉතා වැඩි සංඛ්‍යාවක් බවයි.

අජිත් රෝහණ මහතාට අනුව 2020 වසරේ දී පුද්ගල්යින් 2,144ක් රිය අනතුරු හේතුවෙන් මියගොස් ඇති අතර 2019 වසරේදී පුද්ගලයින් 2,839ක් රිය අනතුරුවලින් මියගොස් තිබේ.

2021 වසරේ මේ දක්වා කාලය තුළ පුදගලයින් 1,266ක් රිය අනතුරුවලින් මියගොස් 7,000කට ආසන්න පුද්ගලයින් ගනනක් තුවාල ලබා තිබේ.