අධ්‍යාපන ලේකම් මහාචාර්ය කපිල පෙරේරා මහතා මාධ්‍යය වෙත පවසා සිටියේ 2021 උසස් පෙළ විභාගය සහ 5 වසර ශිෂ්‍යත්ව විභාගය සඳහා මේ වනවිටත් නිවේදනය කර ඇති දින පිළිබඳව තවදුරටත් සලකා බලා නියමිත දින ඉදිරියේ දී දැනුම්දීමට කටයුතු කරන බවයි.

කෙසේ වුවද පසුගිය ජූලි 9 වන දා අධ්‍යාපන ලේකම්වරයා නිවේදනය කර සිටියේ, 2021 වර්ෂයේ 5 වසරේ ශිෂ්‍යත්ව විභාගය ඔක්තෝබර් 3 වන දිනත් උසස් පෙළ විභාග ඔක්තෝබර් මස 4 වන දිනත් පැවැත්වීමට කටයුතු කරණ බවය.

එහෙත් ජූලි 10 වන දින අධ්‍යාපන අමාත්‍යවරයා පවසා සිටියේ, අධ්‍යාපන පොදු සහතික පත්‍ර උසස් පෙළ විභාගය පැවැත්වීමේ දින සම්බන්ධව මත දෙකක් මතුව ඇති බවත් තාක්ෂණික උපදෙස්වලින් පසුව නම්‍යශීලී සහ වඩාත් ප්‍රායෝගික තීන්දුවක් ගත යුතු බව අමාත්‍යවරයා මාධ්‍යය වෙත පවසා සිටියේය.