සිසුන් 100 කට අඩුවෙන් සිටින පාසල්වල අධ්‍යයන කටයුතු මෙම මාසය තුළදී නැවත ආරම්භ කිරීමට හැකිවනු ඇති බවට අපේක්ෂා කරන බව අධ්‍යාපන අමාත්‍ය මහාචාර්ය ජී එල් පීරිස් මහතා පවසනවා.

අධ්‍යාපන අමාත්‍ය ජී.එල්.පීරිස් මහතා මේ බව සඳහන් කළේ අද (02) අධ්‍යාපන අමාත්‍යාංශයේ පැවති මාධ්‍ය හමුවක් එක්වෙමින්.

මෙරට තුළ ළමුන් 50ට අඩු පාසල් 1,439ක් සහ ළමුන් 51 – 100 දක්වා පාසල් 1,523ක් ඇති බව ද අමාත්‍යවරයා මෙහිදී ප්‍රකාශ කළා.

ඒ අනුව සිසුන් 100 කට අඩුවෙන් සිටින පාසල් 2962ක් පවතින අතර පළමුවෙන් එම පාසල් ප්‍රථම පියවර ලෙස ආරම්භ කිරීම සුදුසු බව ජනපති සමග ඊයේ (01) සාකච්ඡා කල බවයි අමාත්‍යවරයා සඳහන් කළේ.

අනතුරුව අනෙකුත් පාසල් ද නිසි සැලසුමකට අනුව විවෘත කිරීමට අපේක්ෂා කරන බව අමාත්‍යවරයා වැඩිදුරටත් ප්‍රකාශ කළා.