දේශීය පුවත්

ශ්‍රී ලංකා නැනෝ තාක්ෂණ ආයතනයේ (SLINTEC) නව සොයාගැනීම් දේශීය වශයෙන් කොවිඩ්-19 වසංගතය පාලනය කිරීමට යොදා ගත හැකි ආකාරය පිළිබඳව සාකච්ඡා කිරීමේ හමුවක් තරුණ හා ක්‍රීඩා අමාත්‍ය සහ ඩිජිටල් ව්‍යවසායකත්ව සංවර්ධන රාජ්‍ය අමාත්‍ය නාමල් රාජපක්ෂ මහතාගේ ප්‍රධානත්වයෙන් සෞඛ්‍ය අමාත්‍යංශයේ දී පැවැත්විණි.

දේශීය විද්‍යාඥයන් දේශීය තාක්ෂණික දැනුම ඔස්සේ පර්යේෂණ මගින් සොයාගනු ලබන දෑ වලින් සකසනු ලබන නව නිෂ්පාදන නියමානුකූලව දේශීය හා ජාත්‍යන්තර වෙළඳපොළට රැගෙනයාමේ මාවත ගොඩනැගීම අතිගරු ජනාධිපතිතුමාගේ හා අගමැතිතුමාගේ බලාපොරොත්තුව යි.

ඒ අනුව යමින් විද්‍යාත්මක කරුණු ඔස්සේ දේශීය තාක්ෂණය උපයෝගී කරගනිමින් දේශීය විද්‍යාඥයන් විසින් නිෂ්පාදනය කරනු ලබන නිෂ්පාදන පිළිබඳව සොයාබලා ඒවා වැඩිදියුණු කිරීමේ වැඩපිළිවෙලක් සෞඛ්‍ය අමාත්‍යංශය සහ ශ්‍රී ලංකා නැනෝ තාක්ෂණ ආයතනය (SLINTEC) එක්ව ක්‍රියාත්මක කරයි.

ශ්‍රී ලංකා නැනෝ තාක්ෂණ ආයතනයේ දේශීය විද්‍යාඥයන් විසින් නව පර්යේෂණ ඔස්සේ සොයාගෙන තිබෙන නව දැනුම දේශීය වශයෙන් කොරෝනා වසංගත තත්ත්වය පාලනය කිරීමට යොදාගත හැකි ආකාරය පිළිබඳව මෙම සාකච්ඡාවේ දී අවධානය යොමුවිය.

මේ වන විටත් ශ්‍රී ලංකා නැනෝ තාක්ෂණ ආයතනය නව තාක්ෂණය උපයෝගී කරගනිමින් විවිධ පර්යේෂණ ඔස්සේ නිෂ්පාදන රැසක් එළිදක්වා තිබේ.

ඒවා දේශීය හා විදේශීය වෙළඳපොළට රැගෙනයාම්දී මුහුණ පෑ හැකි ප්‍රායෝගික ගැටළු පිළිබදව මෙහිදී සාකච්ඡාවට ලක්විය. ඊට අමතරව දේශීය විද්‍යාඥයන්ගේ නිෂ්පාදන ජාත්‍යන්තර තලයට රැගෙනයාමේ කටයුත්ත ප්‍රායෝගිකව ක්‍රියාත්මක කිරීමේ හැකියාව පිළිබඳව ද මෙහිදී කරුණු සාකච්ඡා කෙරිණි.

එහිදී අමාත්‍ය නාමල් රාජපක්ෂ මහතා මෙසේ ද කීවේය.

දේශීය වශයෙන් නිෂ්පාදනය කරන මෙම නිෂ්පාදන කොරෝනා වසංගත තත්ත්වයට මුහුණ දියහැකි ආකාරයට නිපදවීමට සැලසුම් කරනවා.

ඒ සම්බන්ධ අපේ දේශීය විද්‍යාඥයන්ට මනා දැනුමක් තිබෙනවා. එම දැනුම ප්‍රයෝජනයට ගත යුතු යැයි අමාත්‍යවරයා පැවසීය.

මෙම අවස්ථාවට සෞඛ්‍ය අමාත්‍ය පවිත්‍රාදේවි වන්නිආරච්චි, ඖෂධ නිෂ්පාදනය, සැපයීම හා නියාමනය පිළිබඳ රාජ්‍ය අමාත්‍ය චන්න ජයසුමන, ශ්‍රී ලංකා නැනෝ තාක්ෂණ ආයතනයේ නිලධාරීන් ඇතුළු සෞඛ්‍ය අමාත්‍යාංශයේ නිලධාරි මහත්ම මහත්මීහු පිරිසක් සහභාගී වූහ.

මාධ්‍ය ඒකකය,
තරුණ හා ක්‍රීඩා අමාත්‍යංශය



Leave a Reply

Your email address will not be published. Required fields are marked *

ප‍්‍රධාන පුවත්

කොවිඩ් වැළඳුනු දරුවන්ට අලුත් රෝගයක්; දිවයින පුරා පැතිරී ඇති දැයි සැකයි- විශේෂඥ වෛද්‍ය නලින් කිතුල්වත්ත

රිජ්වේ ආර්යා ළමා රෝහලේ දැඩි සත්කාර ඒකකය භාරව සිටින විශේෂඥ වෛද්‍ය නලින් කිතුල්වත්ත මහතා පවසන්නේ කොවිඩ් -19 රෝගය හා සම්බන්ධ ඉතා බරපත...


Read More

මහ බැංකුව හා භාන්ඩාගාරය එක්ව දේශීය කර්මාන්ත වල පල්ලට යවන කුමන්ත්‍රණයක

විදේශ විනිමය අර්බූදයට මුහුණ දීමට මුදල් රාජ්‍යය අමාත්‍යාංශයේ සහ මහ බැංකුවේ යම් නිලධාරීන් කණ්ඩායමක් විසින් ඉදිරිපත් කර තිබෙන ...


Read More

කොරෝනාවට මුවාවී සෞඛ්‍යය අමාත්‍යාංශයේ ගරානාවක්; ජෛව ඉන්ජිනේරු ඒකකයේ ප්‍රධානියා සහ අමාත්‍යාංශ ප්‍රභලයෙකුගේ වැඩක් බව සෞඛ්‍යය අංශ බලධාරින් පවසයි

සෞඛ්‍යය දෙපාර්තමේන්තුවේ ජෛව වෛද්‍යය ඒකකයේ අධ්‍යයක්ෂක එස් ඒ ජේ කරුණාතිලක නැමැත්තාගේ මැදිහත්වීම මත සහ අමාත්‍යාං...


Read More