මහජන ආරක්ෂාව පිළිබඳ අමාත්‍ය සරත් වීරසේකර මහතා පවසා සිටින්නේ ගිනි ගැනීමට ලක්වූ එක්ස්ප්‍රස් පර්ල් නෞකාවේ සුන්බුන් එකතු කළ ඇතැම් පුද්ගලයින්ට ආසාත්මිකතා ඇති වී තිබෙන බවයි.

එහිදී වැඩිදුරටත් දහස් දක්වමින් අමාත්‍යයවරයා පවසා සිටියේ,

“මේ නෞකාවෙන් සුන්බුන් ලෙස පාවී පැමිනි විවිධ කෑම වර්ග රැගෙන ගොස් අනුභව කළ අයට දැනටමත් විවිධ කැසීම් සහ ආසාත්මිකතා ඇතිවෙලා තිබෙනවා. ජනතාව මීට වඩා අවබෝධයෙන් යුතුව කටයුතු කළ යුතුයි. මෙම ආහාර විෂ සහිතයි. මම කරුණාවෙන් ඉල්ලා සිටිනවා කොරෝනාවලට අමතරව තවත් වසංගතයක් බෝ වෙන්න ඉඩ දෙන්න එපා කියා. මෙම නැවේඉ සුන්බුන් ලබාගත් අයට දැඩි දඬුවම් පනවනවා,” යනුවෙනි.

නෞකාවෙන් මුහුදට වැටුණු බහාලුම් ඇතුළු විවිධ සුන්බුන් මීගමුව වෙරළ තීරයට, කොල්ලුපිටිය සහ පානදුර දක්වා වූ වෙරළ තීරයට ඊයේ සිට ගසාගෙනවිත් තිබුණු බව වාර්තාවේ.

මේ අතර සුන්බුන් ඉවත් කිරීමේ කටයුතු විශේෂ ආරක්ෂක වැඩපිළිවෙලක් යටතේ සිදුකරන බව නාවික හමුදා ආරංචි මාර්ග පවසයි.