මෙරටින් මෙතෙක් දිනකදී නිවේදනය කෙරුණු වැඩිම කොවිඩ් මරණ සංඛ්‍යාව ඊයේ (21) දිනයේදී වාර්තා වී තිබේ.

ඊයේ දිනයේදී සෞඛ්‍ය සේවා අධ්‍යක්ෂ ජනරාල්වරයා විසින් තහවුරු කරන ලද කොවිඩ් මරණ සංඛ්‍යාව 44ක් බව රජයේ ප්‍රවෘත්ති දෙපාර්තමේන්තුව නිවේදනය කරයි.

එම මරණ මැයි 02 වනදා සිට 20 වනදා දක්වා කාලය තුළ සිදුවූ ඒවා වන අතර මියගිය 44 දෙනා අතරින් 30 දෙනෙකුම පිරිමි පුද්ගලයින් බවත් එම දෙපාර්තමේන්තුව සඳහන් කරයි.

ඒ අනුව මෙරටින් මෙතෙක් තහවුරු කෙරුණු සමස්ත කොවිඩ් මරණ සංඛ්‍යාව 1132ක් දක්වා ඉහළ ගොස් තිබේ.