කැනඩාවේ ඔන්ටාරියෝ ප්‍රාන්තතයේ ප්‍රාන්ත ආණ්ඩුවට 2019 අප්‍රේල් මාසයේදී පෞද්ගලික යෝජනාවක් ලෙස ඉදිරිපත් කර තිබූ 104 වන පනත හෙවත් දෙමළ ජන සංහාර අධ්‍යාපන සතිය නම් වූ පනත 2021 මැයි මස 06 වන දින සම්මත කරන්නට ඉඩ දීම සම්බන්ධයෙන් ශ්‍රී ලංකාවේ කැනඩා මහ කොමසාරිස්වරයාව විදේශ අමාත්‍යාංශයට කැඳවා විදේශ අමාත්‍යය දිනේෂ් ගුණවර්ධන මහතා විසින් ශ්‍රී ලංකාවේ නොසතුට ප්‍රකාශ කිරීමට ඊයේ (10) දින කටයුතු කර ඇති බව වාර්තාවේ.

එහිදී අමාත්‍යය දිනේෂ් ගුණවර්ධන මහතා අවධාරණය කර ඇත්තේ ශ්‍රී ලංකාවේ දෙමළ ජනසංහාරයක් සිදුව ඇති බවට සොයා ගනීමක් නැතිය යන කැනඩා රාජ්‍යයේ නිළ පිළිගැනීමට සම්පූර්ණයෙන්ම මෙම පනත පටහැනි බවයි.

එහිදී අමාත්‍යය දිනේෂ් ගුණවර්ධන මහතා ශ්‍රී ලංකාවේ කැනඩා තානාපතිවරයාට පවසා ඇත්තේ ඔන්ටාරියෝ ප්‍රාන්තයේ උප ආණ්ඩුකාරවරිය විසින් අදාල පනතට ලබා දුන් අනුමැතිය අත් හිටුවීමට කැනඩාවේ මධ්‍යයම රජය මැදිහත් විය යුතු බවයි.