කොරෝනා අරමුදල සඳහා මේ වන විට රුපියල් බිලියන 1.7 මුදල් ප්‍රමාණය එකතු වී ඇති බව එම අරමුදල පිළිබඳව තොරතුරු ඇතුළත් වෙබ් අඩවිය තුළ සඳහන්ව තිබෙන බව පැවසේ
2021 ජනවාරි 31 වන දින දිනට එම මුදලෙන් 6% ක ප්‍රමාණයක් PCR පරීක්ෂණ,නිරෝධායනය පහසුකම් සැපයීම සහ දැනුවත් කිරීමේ වැඩසටහන් සඳහා වියදම් වී ඇති බව සඳහන් කර තිබේ
අද වන විට වසංගතය හමුවේ රට ව්‍යසනකාරී තත්වයකට පත්ව ඇති මොහොතක එම අරමුදලෙහි මුදල් යොදා ගනිමින් රෝහල් තුළ සහ රටෙහි පවතින අවශ්‍යතා පිරිමසා නොගැනීම සම්බන්ධයෙන් විශාල සමාජ විරෝධයක් මේ වනවිට උද්ගතව ඇත.
අරමුදල පිළිබඳව වගකීම් දරන නිලධාරියා වන මහ බැංකු අධිපති ඩබ්ලිව්. ඩී. ලක්ෂ්මන් මහතා සඳහන් කරන්නේ රට තුළ ඉදිරියේ දී මතුවන අවශ්‍යතා වෙනුවෙන් ඉතිරි මුදල් වියදම් කිරීමට අපේක්ෂා කරන බවයි.