කොවිඩ් 19 වෛරසය මෙරටින් වාර්තා වූ 2020 වසරේ සිට එක් දිනක් තුළ වාර්තා වූ වැඩිම මරණ සංඛ්‍යාව ඊයේ(07) දිනයේ වාර්තාවූ බව රජයේ ප්‍රවෘත්ති අධ්‍යයක්ෂක ජනරාල් මොහාන් සමරණායක මහතා නිවේදනයක් නිකුත් කරමින් පවසයි.

එම මරණ ගණන 19 ක් බව ප්‍රවෘත්ති අධ්‍යයක්ෂකවරයා නිකුත් කළ නිවේදනය මගින් පවසා සිටී. මේ අනුව මෙරටින් මෙතෙක් වාර්තාවී ඇති කොවිඩ් මරණ සංඛ්‍යාව 764කි.

ඊයේ දිනයේ වාර්තා වූ මරණ සංඛ්‍යාව අතර කාන්තාවන් 8 දෙනෙක් සහ පිරිමි අයවළුන් 11 දෙනෙක් සිටින බව පැවසේ.

මිය ගිය අය අතර වයස අවුරුදු 41-50 කාණ්ඩයේ එක් කාන්තාවක්ද, වයස අවුරුදු 51-60 කාණ්ඩයේ එක් කාන්තාවක් සහ පිරිමින් දෙදෙනෙකු ද, වයස අවුරුදු 61-70 කාණ්ඩයේ කාන්තාවන් හතර දෙනෙකු සහ පිරිමින් හතර දෙනෙකුද, වයස අවුරුදු 71-80 කාණ්ඩයේ කාන්තාවන් දෙදෙනෙකු සහ පිරිමින් තිදෙනෙකුද වයස අවුරුදු 80ට වැඩි කාණ්ඩයේ පුරුෂයන් දෙදෙනෙකුද වන බව පැවසේ.