ශ්‍රී ලංකාවේ ඉදිකෙරෙන හත්වෙනි අධිවේගී මාර්ගය වන රුවන්පුර අධිවේගී මාර්ගයේ පළමු අදියර වන කහතුඩුවේ සිට ඉංගිරිය දක්වා කොටසේ වැඩකටයුතු සෞඛ්‍ය ආරක්ෂිත ක්‍රමවේදයන්ට යටත්ව සීමිත පිරිසකගේ සහභාගිත්වයෙන් නව තාක්ෂණය භාවිත කරමින් අරලියගහ මැදුරේ සිට අගමැති මහින්ද රාජපක්ෂ මහතාගේ සුරතින් ආරම්භ වේ.

ඉදිකිරීමට යෝජිත රුවන්පුර අධිවේගී මාර්ගය දක්ෂිණ අධිවේගී මාර්ගයේ කහතුඩුව අන්තර් හුවමාරු මධ්‍යස්ථානය අසලින් ආරම්භ වී ඉංගිරිය, රත්නපුර හරහා පැල්මඩුල්ල දක්වා ඉදි කෙරේ.

ඉදිකෙරෙන රුවන්පුර අධිවේගී මාර්ගයේ සම්පූර්ණ දුර කිලෝ මීටර් 73.9කි. මෙම ව්‍යාපෘතිය 2014 දී වර්ෂයේ දී මහින්ද චින්තන ඉදිරි දැක්ම යටතේ යෝජනා වූ ව්‍යාපෘතියකි. මෙම රුවන්පුර අධිවේගී මාර්ගය අදියර තුනක් යටතේ ඉදිකිරීමට නියමිතය අනුව එහි පළමු අදියර ලෙස කහතුඩුව සිට ඉංගිරිය දක්වා කිලෝමීටර් 24.3 ක දුර ප්‍රමාණයක් සිදු කරනු ලබයි. මාගා ඉංජිනේරු සමාගම මගින් මෙහි ඉදිකිරීම් කටයුතු සිදුකරනු ලබයි. මේ සඳහා රුපියල් බිලියන 54.70 වක් වැයවේ. ඉදිකිරීම් කාලය මාස 30 කි.