රුසියානු ස්පුට්නික් එන්නත ශ්‍රී ලංකාව තුළ ලබාදීම අද උදෑසන ගොතටුව සෞඛ්‍ය වෛද්‍ය නිලධාරී කොට්ඨාශයේ මාදින්නාගොඩ රජ මහා විහාරයේ දී ආරම්භ කෙරිණි.

Sputnik එන්නත ලබා ගැනීමට ජනතාවගේ විශාල උද්‍යෝගයක් දක්නට ලැබිණි. මේ අවස්ථාවට සෞඛ්‍යය රාජ්‍යය අමාත්‍යය චන්න ජයසුමන මහතා ඇතුලු සෞඛ්‍ය අංශයේ නිළධාරින්ද සහබාගි විය.

රුසියානු ස්පුට්නික් එන්නත රැගත් ගුවන් යානය 04 දින උදෑසන කටුනායක ගුවන් තොටුපොළට ලගා විය. ‍රී ලංකාවේ නියෝජ්‍ය රුසියානු තානාපති ඇලෙක්සි බුදනොව් මහතා සංඛේතාත්මකව එන්නත් තොගය භාර දෙනු ලැබීය. ආරම්භක පියවර ලෙස එන්නත් 15,000 ක් ලැබුණු අතර ඉදිරි කාලයේ එන්නත් මාත්‍රා මිලියන 13ක් කොටස් වශයෙන් ලැබීමට නියමිතය.