කාර්මික තාක්ෂණ ආයතනය මගින් කරන ලද පරීක්ෂණ මගින් ද, අදාල සන්නාම නාමය යටතේ වෙළඳපොලට නිකුත් කර තිබෙන පොල්තෙල් සාම්පල තුල ඇෆ්ලටොක්සින් නම් පිළිකාකාරකය අඩංගු බවට තහවුරු වී ඇති අතර ග‍්‍රෑන්ඩ්පාස්හි පිහිටි, අදාල සමාගමට අයත් පොල් තෙල් ගබඩා සංකීර්ණයකට, ඊයේ දිනයේදී පාරිභෝගික සේවා අධිකාරිය මගින් මුද්‍රා තබා තිබේ.

පිළිකාකාරක ඇෆ්ලටොක්සින් අඩංගු බවට තහවුරු වී ඇති බැවින්, “න්ජෝයි” සන්නාමය යටතේ වෙළඳ පොලට නිකුත් කර තිබෙන සියළුම පොල් තෙල් තොග ඉවත් කරගන්නා ලෙස පාරිභෝගික අධිකාරිය එම සමාගමට නියෝග කර ඇති බව ද වාර්තා වේ.