පකිස්තානු රජයේ ආරාධනයකට අනුව එරටට වැඩම කළ භික්ෂූන් වහන්සේලා 11 නමක දූත පිරිසක් පෙරේදා (23) දින පකිස්තාන අග්‍රාමාත්‍යය ඉම්රාන් ඛාන් මහතා මුණගැසී තිබුණි.

පකිස්තානය යනු ශ්‍රේෂ්ඨ ගාන්ධාර ශිෂ්ඨාචාරයේ උරුමයෙන් පෝෂණයවූ පුරාවිද්‍යාත්මක සහ සංස්කෘතික වටිනාකමින් යුත් ස්ථාන රාශියකින් යුත් ස්වභාව සෞන්දර්යයෙන් අනූන රටක් මෙන්ම ලොව අති පූජනීය බෞද්ධ සිද්ධස්ථාන රාශියක සාඩම්බර භාරකරුවෙකු බවත් විශේෂයෙන්ම ශ්‍රී ලංකාව ඇතුළු ලොව බෞද්ධ රටවලින් පැමිණෙන ආගමික සංචාරකයින් සඳහා අවැසි පහසුකම් මෙන්ම මාර්ගෝපදේශ සපයමින් පකිස්තානයේ සංචාරක කර්මාන්තය ප්‍රවර්ධනය කිරීමට තම රජය සැලසුම් සකස් කර ඇති බවත් දූත පිරිස අමතමින් අගමැතිවරයා පවසා ඇත.

දීර්ඝකාළීනව පැවත එන ශ්‍රී ලංකා – පකිස්ථානු මිත්‍රත්වය, සහයෝගීතාවය මෙන්ම ඒකීයත්වය සිහිපත් කරමින් අදහස් දක්වා ඇති දූත පිරිස පකිස්තාන රජයේ මෙම සංචාරක වැඩපිළිවෙල යටතේ සිදු කරණ පුරාවිද්‍යාත්මක සහ පූජනීය ස්ථාන ප්‍රතිනිර්මාණය කිරීම ඇගයීමට ලක්කර තිබේ.