කොළඹ පංචිකා වත්තේ ජයන්ත වීරසේකර මාවතත් මරදාන සිට දෙමටගොඩ දෙසට ගමන් කරන වජිරඥානමාවතත් සම්බන්ධ වන්නේ දුම්රිය මාර්ගයක් යටින් යන උමගක් මගිනි.

මෙම උමග අබලන් වීම නිසා දැන් එහි සිල්බර කොට තබා දුම්රිය රේල්පීලි වලට තාවකාලිකව මුක්කු ගසා ඇත. වාහන දෙකක් මාරු විය හැකි මේ උමගේ ගමන් කළ හැක්කේ ත්‍රීරෝද රථයක් පමණි. අනෙක් ප්‍රදේශය වැහෙන්නට සිල්බර කොට ගොඩගසා ඇත්තේ දුම්රිය රේල්පීලි පහතට එම වැලැක්වීමටය. මෙම උමග යට මුළුමනින්ම වැසිකිළි වතුර ගලායමින් ගඳගසන අතර වැසිකිළි වතුර නිසා සිල්බර කොට ගිලාබසින බව ප්‍රදේශ වාසීහු කියති.

මෙම උමග මතින් දුම්රිය ගමන් ගන්නා විට වේගය අඩු කරන අතර කඩිනමින් මෙම ස්ථානය අලුත් වැඩියා නොකළ හොත් මහා දුම්රිය අනතුරක් සිදුවීමට ඉඩ ඇති බව මෙම උමග අසල පදිංචිකරුවෝ පවසති.
(අරුණ)