ලබන වසරේ ජනාධිපතිවරයාගේ වියදම් 50% කින් ඉහළගොස් තිබේ. ඊයේ (09)පාර්ලිමේන්තුවට ඉදිරිපත් කෙරුණු 2018 විසර්ජන පනත් කෙටුම්පතට අනුව ලබන වසරේ ජනාධිපතිවරයාගේ වැය ශීර්ෂය රුපියල් බිලියන 9.9 ක් ඉක්මවා ඇත. 2017 වසරේ එම ප‍්‍රමාණය රුපියල් බිලියන 6.4කි. මේ අතර ලබන වසරේ අගමැතිගේ වියදම 29 % කින් ඉහළගොස් ඇත.

වැඩ බලන මුදල් ඇමති එරාන් වික‍්‍රමරත්න 2018 විසර්ජන පනත් කෙටුම්පත ඊයේ පාර්ලිමේන්තුවට ඉදිරිපත් කළේය. එයට අනුව ලබන වසරේ ආණ්ඩුවේ ආදායම රුපියල් බිලියන 3982ක් වන අතර වියදම රුපියල් බිලියන 2175 ක් පමණි. ඒ අනුව මෙවර අය වැය හිගය රුපියල් බිලියන 1807ක් වී තිබේ. 2017 වසර හා සසදන විට රජයේ වියදම රුපියල් බිලියන 2162 කින් වැඩිවී ඇත. මෙවරද වැඩිම මුදලක් වෙන්කර ඇත්තේ ආරක්‍ෂක අමාත්‍යාංශය සදහාය. එම මුදල රුපියල් කෝටි 29071 වන අතර ඊලගට මුදල්  හා ජනමාධ්‍ය අමාත්‍යාංශය සදහා රුපියල් කෝටි 2257කි.