දේශීය පුවත්

දැනට වසර 60කට පෙර 1961 අප්‍රේල් 12 වන අද වැනි දිනකදී තම මවු බසින් “Poyekhali!” (Let’s Go!) යනුවෙන් පවසා ලොව අභ්‍යවකාශ තරණයේ දැවැන්ත සංධිස්ථානයක් සටහන් කරමින් තම අභ්‍යවකාශ ගමන ඇරඹූ යුරී ගගාරින්ගේ එම අභ්‍යවකාශගත ප්‍රථම මිනිසා බවට පත්වීමේ 60වන සංවත්සරය සමරමින් ජාත්‍යන්තර අභ්‍යවකාශ මධ්‍යස්ථානයේ සිටින රුසියානු අභ්‍යවකාශගාමීන් විසින් සුභපැතුම් පණිවිඩයක් එවා තිබේ.

මානව අභ්‍යවකාශ තරණයේ ඓතිහාසික ආරම්භක දිනය ලෙස සැලකෙන යුරි ගගාරින්ගේ මෙම වික්‍රමාන්විත අභ්‍යවකාශ ගමන සිහිපත් කිරීම වෙනුවෙන් 2011 වසරේදී එක්සත් ජාතීන්ගේ සංවිධානය විසින් “මානව අභ්‍යවකාශ තරණයේ ජාත්‍යන්තර දිනය” ලෙස අප්‍රේල් 12 වන දිනය නම් කිරීමට පියවර ගැණුනි.

1961 දෙසැම්බර් 07 වන දින රත්මලාන ගුවන් තොටුපළින් ලංකාවට සැපැත්වූ යුරි ගගාරින් මහතාව එවකට නියෝජ්‍ය මුදල් ඇමතිව සිටි ජෝර්ජ් රාජපක්ෂ මහතා විසින් පිළිගැනීමෙන් අනතුරුව අරලියගහ මැදුරේදී අගමැතිණී සිරිමවෝ මැතිණිය මුණගැසුණි. එහිදී ප්‍රකට කළාශිල්පී ජයන්ත ප්‍රේමදාස මහතා සිතුවමට නගා තිබූ ගගාරින්ගේ ඡායාරූපී සිතුවම ඔහු විසින් ගගාරින්ට පිළිගැන්වූ අවස්තාවේ යුරි ගගාරින් මහතා ඉමහත් ප්‍රීතියට පත්වී තිබේ.

දෙසැම්බර් 08 වන දින දකුණු මුහුදු තීරයේ සුන්දරත්වය විඳිමින් සිය බිරිඳ වැලන්ටිනා මහත්මිය සමග මොරටුව, පානදුර, කළුතර, අලුත්ගම, අම්බලන්ගොඩ, ගාල්ල, වැලිගම සහ මාතර පසුකරමින් තංගල්ල දක්වා ගමන් කිරීමේදී ඔහු දැකීමෙන් ප්‍රිති ප්‍රමෝදයට පත්වූ මග දෙපස රැස්ව සිටි දකුණේ ජනතාව ඔහුට මහත් ඉහලින් හරසර දක්වා තිබේ.

දෙසැම්බර් 09 වන දිනද ජනතා හරසර මැද කැළණිය, යක්කල, හොරගොල්ල, කුරුණෑගල. කෑගල්ල, මාවනැල්ල ද පසුකරමින් නුවර යන අතරතුර පේරාදෙනිය උද්බිද උද්‍යානයේ ශ්‍රී මහා බෝධියේ අංකුරයක් ද පැල කර නුවර රැජිණ හෝටලයේදී ප්‍රකාශ කර තිබුනේ තමා පේරාදෙනියේදී සිටවූ පැළය මෙන් ශ්‍රී ලංකාව සහ සෝවියට් දේශය අතර ද්වීපාර්ශවික සම්බන්ධතාවයන් වර්ධනය වනු දැකීම තම පැතුම බවයි.

කෙසේ වුවද ක්‍රමිකව වර්ධනය වෙමින් පැවති එම අංකුරය 1968 මාර්තු 27 දින ගුවන් අනතුරක් හේතුවෙන් සිදුවූ යුරි ගගාරින්ගේ හදිසි අභාවයෙන් පසු අදට ද ශ්‍රී මහා බෝධියේ අංකුරයේ ස්වභාවය පෙන්නුම් කරන මට්ටමට පමණක් වර්ධනය වී තිබීම විශේෂත්වයකි.

ඉන්පසු දෙසැම්බර් 10 වන දින අනුරාධපුරයට පැමිණි ඔහු සුදු නෙළුම් මල් පුදමින් ශ්‍රී මහා බෝධිය වැඳ පුදාගැනිමෙන් අනතුරුව යාපනයට පැමිණ එතැන් සිට ඔහු විසින්ම පැදවූ Handley Page Dart Herald යානයෙන් රත්මලන බලා පැමිණ ආණ්ඩුකාර නිවසේ රාත්‍රිය ගතකර තිබේ.

දෙසැම්බර් 11 වන දින නැවතත් අගනුවර ජනතාවගේ මහජන හරසර මැද කොළඹ විශ්ව විද්‍යාලය, ශ්‍රී ජයවර්ධනපුර විශ්ව විද්‍යාලය සහ සෝවියට්-ශ්‍රී ලංකා මිත්‍රත්ව නිවස යන ස්ථානයන්හි රැස්වීම් සහ සම්මුඛ සාකච්ඡා පැවැත්වීමෙන් පසු සන්ධ්‍යාවේදී මාධ්‍යවේදීන් ද හමුවීමෙන් අනතුරුව ගාලු මුවදොර හෝටලයේ ප්‍රිය සම්භාෂණයක ද සහභාගී වී තිබේ.

දෙසැම්බර් 12 වන දින ශ්‍රී ලංකාවෙන් පිටත්වීමට පෙර ඔහු පවසා තිබුණේ ලොව පුරා කළ සංචාර වලදී තමාට හමුවූ මෙම දිවයින ස්වාභාවික සුන්දරත්වයෙන් ගහණ පාරාදීසයක් බවත් එය ඔහුගේ ජීවිත කාළය පුරාවටම තම හදවතේ රැඳී සිටුනු ඇති බවත්ය.

තොරතුරු පහත ලින්ක් එකෙන් සහ Daily News පුවත් පතින්
https://sputniknews.com/world/202104111082600199-russian-iss-crew-offers-congratulations-on-60th-anniversary-of-first-manned-spaceflight



Leave a Reply

Your email address will not be published. Required fields are marked *

ප‍්‍රධාන පුවත්

ප්‍රමිති කාර්යාංශයට නව සභාපතිවරයෙක්

ශ්‍රී ලංකා ප්‍රමිති කාර්යාංශයේ සභාපති ධූරය දැරූ නුෂාඩ් පෙරේරා මහතා එම ධූරයෙන් ඉල්ලා අස්විමෙන් අනතුරැව නව සභාපති ලෙස වෛද්&#x...


Read More

පළාත් කිහිපයකට මි.මී 100 ඉක්මවු වැසි

බස්නාහිර, සබරගමුව සහ මධ්‍යම පළාත්වලත් ගාල්ල සහ මාතර දිස්ත්‍රික්කවලත් ඇතැම් ස්ථානවලට මි.මී 100 ඉක්මවු තද වැසි ඇති විය හැකිය....


Read More

කොරෝනා වෛරසයේ නව ප්‍රභේදය ගැබිණි මව්වරුන්ට සහ දරුවන්ට මාරාන්තිකයි!

ශ්‍රී ලංකාව තුළ පැතිරී යන කොරෝනා වෛරසය සම්බන්ධයෙන් අදහස් දක්වමින් හෝමාගම මූලික රෝහලේ ප්‍රසව හා නාරි විශේෂඥ වෛද්‍ය ආර...


Read More