ප‍්‍රධාන පුවත්

2022 පෙබරවාරි 04 දින සිට චීනයේ බෙයිජින් නුවර පැවත්වීමට නියමිත ශීත ඔලිම්පික් තරඟාවලිය;  ඇමරිකාව ප්‍රමුඛ මිත්‍ර පාක්ෂික රටවල් විසින් වර්ජනය කිරීමට තීරණය කළ බව එරට රාජ්‍ය දෙපාර්තමේන්තු ප්‍රකාශක නෙඩ් ප්‍රයිස් (Ned Price) පළමුව ප්‍රකාශ කළ ද පසුව එම ප්‍රකාශය හකුලා ගනිමින් මාධ්‍ය වෙත නිවේදනයක් නිකුත් කරමින් රාජ්‍ය දෙපාර්තමේන්තුව පවසා ඇත්තේ ඔවුන් හෝ ඔවුන්ගේ මිත්‍ර පාක්ෂික රටවල් එවැන්නක් සාකච්ඡා නොකළ අතර එවැනි තීන්දුවක් ගෙන නොමැති බවයි.

1980 වසරේදී රුසියාවේ පැවැත්වූ ග්‍රීෂ්ම ඔලිම්පික් තරඟාවලිය වර්ජනය කිරීමෙන් පසු එයට ප්‍රතිචාරයක් ලෙස 1984 වසරේ ලොස් ඇන්ජලීස් නුවර පැවැත්වූ ඔලිම්පික් තරඟාවලිය වර්ජනය කිරීමට රුසියාව විසින් පියවර ගෙන තිබුණි.

කෙසේ වුවද නෙඩ් ප්‍රයිස්ගේ ප්‍රකාශයට ප්‍රතිචාර දක්වමින් චීනය ප්‍රකාශ කර තිබුනේ ක්‍රීඩාව දේශපාළනීකරණය කිරීමට දරණ උත්සාහයට එරෙහිව ඔවුන් දැඩි ක්‍රියාමාර්ගයක් ගන්නා බවයි.

ක්‍රීඩාව දේශපාළනීකරණය කිරීම; ලොව පුරා සිටින මළල ක්‍රීඩක, ක්‍රීඩිකාවන් අධෛර්යමත් කරනවා මෙන්ම එය ඔලිම්පික් ප්‍රකාශනය හෑල්ලුවට ලක් කිරීමක් බවත් ජාත්‍යන්තර ප්‍රජාව මෙන්ම ඇමරිකානු ඔලිම්පික් කමිටුව පවා එය හෙළාදකිනු ඇති බවත් චීන විදේශ ප්‍රතිපත්ති ප්‍රකාශක සාඕ ලිජියෑන් (Zhao Lijian) වැඩිදුරටත් පවසයි.

වයඹදිග චීනයේ සින්ජියෑන් ප්‍රාන්තයේ උයිගර් මුස්ලිම්වරුන්ගේ මානව හිමිකම් චීනය විසින් උල්ලංඝණය කරනවා යැයි නිරන්තර චෝදනා ඇමරිකාව විසින් චීනයට එල්ල කරන අතර එම චෝදනා ප්‍රතික්ෂේප කරන චීනය ප්‍රකාශ කරන්නේ අන්තවාදී ආගමික ඉගැන්වීම් වලින් මුදවා ගැනීම සඳහා ඔවුන්ට අධ්‍යාපන ප්‍රතිසංස්කරණ වැඩ සටහන් හඳුන්වා දෙමින් පවතින බවයි.

බෙයිජින් නගරය ශීත සහ ග්‍රීෂ්ම ඔලිම්පික් තරඟාවලියන් දෙකම පැවැත්වූ ලොව ප්‍රථම නගරය බවට පත්වීමට නියමිතව ඇති තත්වයක් තුළ චීනයට බයිඩ්න් පාළනයෙන් පවා සිදුකරණ මෙම කෙණහිලිකම් දෙරට අතර විරසකයන් තව තවත් වැඩිවීමට හේතුවනු ඇත.

කෙසේ වුවද දැනටමත් ෆ්ලොරිඩාවේ නියෝජිතයා මෙම වර්ජනයට පක්ෂග්‍රාහීව කටයුතු කරණ අතර කැනඩාවේ ද චීන ඔලිම්පික් විරෝධය උත්සන්න කරමින් පවතී.

තොරතුරු පහත ලින්ක් එකෙන්
https://www.rt.com/sport/520355-china-responds-us-boycott-2022-winter-olympics/



Leave a Reply

Your email address will not be published. Required fields are marked *

ප‍්‍රධාන පුවත්

යුරි ගගාරීන්ගේ හදවතේ රැඳි රටේ ස්වභාවික සුන්දරත්වය අපි ආරක්ෂා කළාද?

දැනට වසර 60කට පෙර 1961 අප්‍රේල් 12 වන අද වැනි දිනකදී තම මවු බසින් "Poyekhali!" (Let's Go!) යනුවෙන් පවසා ලොව අභ්‍යවකාශ තරණයේ...


Read More

යුද අපරාධකරුවන්වූ යුද විරුවන් හිටපු ජනපති මෛත්‍රීපාල සිරිසේන මහතාට නිතිපතා පිං දිය යුතුයි – යසස් ධර්මදාස, ගෝලීය ශ්‍රී ලාංකික සංසදයේ විධායක ලේකම්

පසුගිය 46 වන ජිනීවා සැසිවාරයේදී ශ්‍රී ලංකාව විසින් ඉල්ලා සිටින ලද "ගෑෂ්" වාර්තා ලබාදීම එංගලන්තය විසින් ප්‍රතික්ෂේප කර තිබීම...


Read More

විපක්ෂයේ ජවනිකාව දැක්කාම හිරේ ඉන්න රන්ජන් රාමනායකට, “බඩ කපාගෙන මැරෙන්න” හිතෙන්න ඇති – අමාත්‍ය විමල් වීරවංශ

මේ රටේ අතිමහත් පොදු ජනතාව ඉතා බලවත් බලාපොරොත්තු පෙරදැරි කරගනිමින් ගොඩනඟාදුන් ගමනක් එහි අඩුපාඩු නැති කොට, වඩා සවිමත්ව ඉදිරියට ගෙනයාමේ වගකී...


Read More