සුරකිමු ශ්‍රී ලංකා, පරිසර යුක්ති කේන්ද්‍රය, විවිධ සමාජ ක්‍රියාකාරිකයින් ඇතුළු සංවිධාන එකමුතුවකින් සැදි “පරිසර සංවිධාන එකමුතුව” විසින් සංවිධානය කරණ ලද “පරිසර ත්‍රස්තවාදයට එරෙහිව පෙළගැසෙමු” විරෝධතාවය අද (03) දින සවස 2.00ට විහාරමහාදේවි උද්‍යානයෙන් ආරම්භ වූ අතර එයට පොල්ලෙබැද්ද ආදී වාසී උප නායකයා ඇතුළු ආදිවාසීන් පිරිසක් ඔවුන්ගේ සංස්කෘතිකාංග ද ඉදිරිපත් කරමින් සහභාගිවී තිබීම කැපී පෙණුනි.

“මහ ලොකු පුටුවල ඉන්න එවුන් මේව දන්නැතී – මේ මහ කරුමය කවදා හෝ උන්ට පල දෙතී” යන විරිදුව ද ගායනා කරමින් ආරම්භ වූ විරෝධතා පෙළපාලිය ජනාධිපති ලේකම් කාර්යයාලය දක්වා ගමන් කළේය.

එහිදී මාධ්‍ය ඇමතූ පූජ්‍ය පාහියන්ගල ආනන්ද සාගර හිමියන්; ගෝඨාභය රාජපක්ෂ මහතා ජනාධිපති වී මේ වනවිට ඉක්ම ගොස් ඇති මාස 15ක කාළය තුළ රටේ රක්ෂිත වනාන්තර, ජාතික වනෝද්‍යාන, ස්වාභාවික රක්ෂිත වනාන්තර, කැලෑ ඉඩම් ඇතුළු වනාන්තර පද්ධති 270කට අධික ප්‍රමාණයක අක්කර 62,000ක් විනාශ කර ඇති බවට වන සංරක්ෂණ දෙපාර්තමේන්තුවේත් වන ජීවී දෙපාර්තමේන්තුවේත් වාර්තා වල සඳහන්ව ඇති බව හෙළිදරව් කර සිටියේය.