ජාතික ජන බලවේගයේ නිරූපමා සේරසිංහ තමන් සමග ගත් පින්තුරයක් අවභාවිත කළේ යයි ගම්පහ අඩවි වන නිළධාරීණී දේවානී ජයතිලක සඳහන් කර සිටිනවා.

ඇය තම සමාජ ජාල ගිණුමේ සටහනක් තබමින් පෙන්වා දෙන්නේ ඉදිරියේදී කිසිදු අයෙකු හා ඡායාරූප ගැනීමෙන් තමන් වලකින බවයි.

අදාළ සිදුවීම සම්බන්ධයෙන් තම අප්‍රසාදය හා කනගාටුව ප්‍රකාශ කරන බවත් තමන් කිසියම් දේශපාලන පක්ෂයට ලැදි බව ඇඟවීමට උත්සාහ දරන්නේ නම් එය පිළිකුලෙන් යුතුව හෙළා දකින බවත් ඇය සඳහන් කර තිබේ.

ඒ පිළිබඳව ඇයගේ මුහුණු පොතේ තබා ඇති සටහන මෙසේය: නීති සහය ලබාදෙන බව පවසමින් පැමිණ මා සමග ගත් ඡායාරූපය අවභාවිතා කළ නිරූපමා සේරසිංහ (ජාතික ජන බලවේගයේ) මහත්මියගේ සිදුවීමෙන් පසු මින් ඉදිරියට කිසිදු අයෙකු හා ඡායාරූප ගැනීමෙන් මා වළකින බව කණගාටුවෙන් දැනුම් දෙමි. මා කිසියම් දේශපාලන පක්ෂයට ලැදි බව ඇඟවීමට යම්කිසි පක්ෂයක් හෝ පුද්ගලයෙකු උත්සාහ දරන්නේ නම් එය පිළිකුලෙන් යුතුව හෙළා දකිමි. මේ සිදුවීම සම්බන්ධව මගේ දැඩි පිළිකුල සහ අප්‍රසාදය ප්‍රකාශ කරමි.
(මව්රට)