කේරළ මුහුදේදී අල්ලාගනු ලැබූ “රවිහංසි” නමැති ශී‍්‍ර ලාංකික ධීවර යාත‍්‍රාවේ තිබූ මත්ද්‍රව්‍ය කිලෝ 300 මෙන්ම කැලෂිනකෝව් (AK-47) අවි සහ වෙඩි උණ්ඩ ඉරාන පාකිස්තාන් මත්ද්‍රව්‍ය ජාලයට සම්බන්ධ බවට ඉන්දීය මත්ද්‍රව්‍ය නාශක ඒජන්සිය මගින් සොයාගෙන ඇත.

මෙම මත්ද්‍රව්‍ය තොගය සහ අවි හුවමාරුව සිදුවී ඇත්තේ ඉන්දීය ලක්විද්වීප දූපත අසල දී වන අතර එල්.වයි. නන්දන, එහ්.කේ.ජී.බී.දේශප්‍රිය, එස්.එස්.ගුණසේකර, එස්.ඒ.සෙනරත්, ටී.රණසිංහ සහ ඩී.නිශ්ශංක යන සැකකරුවන් 06 දෙනාද අත්අඩංගුවට පත්වී තිබේ.

ඉන්දීය බළධාරීන් තවදුරටත් හෙළි කළේ පසුගිය නොවැම්බර් මස එම දූපත අසලදී ෂෙනායා දුව නමැති ශී‍්‍ර ලාංකික ධීවර යාත‍්‍රාව සහ අවි පහත් සමග හෙරොයින් කිලෝ 160 ක් අල්ලාගත් බවයි.

“රවිහංසි” ධීවර යාත‍්‍රාවේ තිබී සොයාගත් කැලෂිනකෝව් අවි ඉරාන මත්ද්‍රව්‍ය ජාවාරම් ජාලය සැපයූ බව සනාථ වී ඇත.

මේ අතර රජයේ ආරංචි මාර්ග පැවසුවේ අසුවූ කැලෂිනකෝව් අවිවල අනුක‍්‍රමික අංක දත්ත වල තොරතුරු ලබාදෙන ලෙස ඉන්දීය බලධාරීන්ගෙන් ඉල්ලා ඇති බවයි.

මේ අනුක‍්‍රමික අංක ඉරාන සහ රුසියානු එස්.එස්.බී. බුද්ධි සේවාවන්ට යවා ඒ ගැන තොරතුරු ලබාගැනීමට කි‍්‍රයා කරනවා යැයි ඉහළ පෙළේ ආරක්‍ෂක අංශ පැවැසීය.

මේ අතර අවි ජාවාරමක් කි‍්‍රයාත්මක වන බව බුද්ධි සේවා විසින් රජයට අනතුරු අඟවා ඇත.
වැඩිදුර තොරතුරු පහත ලින්ක් එකෙන්
https://www.aninews.in/news/national/general-news/300kg-heroin-arms-seized-from-sri-lankan-fishing-vessel-6-arrested20210330232137/