වනජීවී රැකවරණය, අලිවැට හා අගල් ඉදිකිරීම ඇතුළු ආරක්ෂිත වැඩපිළිවෙලවල් හා කැලෑ නැවත වගා කිරීම හා වන සම්පත් සංවර්ධන රාජ්‍ය අමාත්‍යාංශ ලේකම් මේජර් ජනරාල් පාලිත ප්‍රනාන්දු වන සංරක්ෂක ජනරාල් වෙත යොමුකළ ලිපියකින් මේ බව දැක්වෙයි.

එසේම භූ විද්‍යා සමීක්ෂණ සහ පතල් කාර්යාංශය සිය නිළධාරීන් වෙත ලිපියක් යොමුකරමින් උපදෙස් දී ඇත්තේ වනජීවී රැකවරණය, අලිවැට හා අගල් ඉදිකිරීම ඇතුළු ආරක්ෂිත වැඩපිළිවෙලවල් හා කැලෑ නැවත වගා කිරීම හා වන සම්පත් සංවර්ධන රාජ්‍ය අමාත්‍යාංශ ලේකම්වරයා ලබාදී ඇති උපදෙස් අනුව 2021-03-31 වන දිනෙන් අවලංගු වන එහෙත් වසරක කාලයක් නොයික්මවූ කැනීම් බලපත්‍ර විධිමත් චක්‍රලේඛයක් නිකුත් කරන තුරු මාස 3ක කාලයකින් දීර්ඝ කරන බවයි.

මෙහි වන සංරක්ෂණ ප්‍රදේශ යනු වනාන්තර ප්‍රදේශ වේ. ඒ අනුව වනාන්තර ප්‍රදේශ ආශ්‍රිතව තව දුරටත් ගල්, පස්, වැලි, මැණික් ආදී විවිධ කැනීම් සඳහා මේ හරහා තවදුරටත් අවස්ථාව ලබාදී ඇත.

වනජීවී රැකවරණය, අලිවැට හා අගල් ඉදිකිරීම ඇතුළු ආරක්ෂිත වැඩපිළිවෙලවල් හා කැලෑ නැවත වගා කිරීම හා වන සම්පත් සංවර්ධන රාජ්‍ය අමාත්‍යාංශ ලේකම් මේජර් ජනරාල් පාලිත ප්‍රනාන්දු යොමුකළ ලිපිය සහ භූ විද්‍යා සමීක්ෂණ සහ පතල් කාර්යාංශ අධ්‍යක්ෂ ජනරාල් යොමුකළ ලිපි පහත දැක්වේ.