ආහාර කොමසාරිස් දෙපාර්තමේන්තුවට අයත් ගබඩා සංකීර්ණ විවිධ ආයතනවලට කුලියට දී ඇතත් ඒ වෙනුවෙන් රුපියල් කෝටි 36ක කුලී ගෙවා නැති බවත් කුලී පදනම මත ලබාදී ඇති ගබඩා 237ක් සඳහා වසර පහකදී ලැබි තිබෙන්නේ කෝටි 53ක් පමණක් බවත් නවතම විගණන වාර්තාකින් අනාවරණය වේ.

ආහාර දෙපාර්තමේන්තුවට අයත් මෙම ගබඩා; රාජ්‍ය හා පෞද්ගලික ආයතනවලට ලබාදී තිබූ බදු ගිවිසුම් අනුව වසර තුනකට වතාවත් කළ යුතු බදුකුලිය වැඩිකිරීමද සිදු නොකර අයථා සහන ලබාදීමෙන් විශාල දූෂණයක් සිදුව ඇති බවද එම වාර්තාවේ සඳහන්වේ.

විගණකාධිපති දෙපාර්තමේන්තුව විසින්, ආහාර කොමසාරිස් දෙපාර්තමේන්තුව සම්බන්ධයෙන් සිදුකළ කාර්යසාධන විගණනයකදී මෙම තොරතුරු අනාවරණය වී තිබේ.