ඉතිහාසයේ ප‍්‍රථම වතාවට පසුගිය වසරේදී (2020) මෙරට ආර්ථිකයේ ප‍්‍රධාන අංශ තුනම පසුබෑමට ලක්වෙමින් ආර්ථිකය ඍණ 3.6ක වර්ධනයක් වාර්තා කර ඇත.

ඒ අනුව 2019 වර්ෂයේ වාර්තා කළ රු. මිලියන 9,883,350 ක ආර්ථික වර්ධනය පසුගිය වසරේ (2020) දී රු. මිලියන 9,530,606 දක්වා පසුබෑමට ලක්ව ඇතැයි ජනලේඛන හා සංඛ්‍යාලේඛන දෙපාර්තමේන්තුව පවසයි.

කොවිඞ් වසංගතයේ ආර්ථික බලපෑම් දැඩිව පිළිබිඹු කරමින් දළ දේශීය නිෂ්පාදිතය නියෝජනය කරන ආර්ථිකයේ ප‍්‍රධාන අංශ තුනම 2020 වසරේ දී ඍණ වර්ධන වේගයන් වාර්තා කර තිබේ.

මේ අනුව 2019 වසරට සාපේක්ෂව 2020 වසරේ දී ආර්ථිකයේ ප‍්‍රධාන අංශ වන කෘෂිකර්ම අංශය සියයට 2.4කින් ද කර්මාන්ත අංශය සියයට 6.9කින් ද සේවා අංශය සියයට 1.5කින් ද ඍණ වර්ධන වේගයන් වාර්තා කර ඇත.
(දිවයින පුවත්)