ජාතික ගොවිජන එකමුතුව විසින් රාජගිරියේ ජාතික සංවිධාන පොදු මධ්‍යස්ථානයේදී පැවැත්වූ මාධ්‍ය සාකච්ඡාවදී එහි සභාපති අනුරාධ තෙන්නකෝන් මහතා කියා සිටියේ රජය මගින් ක්‍රියාත්මක කිරීමට සැලසුම් කරන සහල් ආනයන ක්‍රියාවලිය තුල බලධාරීන්ට අත යට කොමිස් මුදල් මෙන්ම මෙරට ජනතාවට පරිභෝජනයට නුසුදුසු සහල් කැවීමේ අවදානමක් ඇති බවයි.

එහිදී තෙන්නකෝන් මහතා අවධාරණය කළේ දැනට ලෝකයේ තිබෙන අඩුම සහල් මිළ වන මෙට්‍රික් ටොන් එකක් ඩොලර් 370ක් වන සහල් ඉන්දියාවෙන් ආනයනය කර ඊට මෙරට අලෙවි පිරිවැය එක්කිරීමෙන් පසු කිසිසේත්ම මෙරට දැන් පවතින සහල් මිළට අඩුවෙන් පාරිභෝගිකයාට අලෙවි කළ නොහැකි බවයි.

ඒ අනුව තෙන්නකෝන් මහතා පෙන්වා දෙන්නේ අනිවාර්යයෙන්ම සහල් ආනයනය තුළ සිදුවන්නේ මිනිස් පරිභෝජනයට නුසුදුසු ප්‍රමිතියකින් තොර සහල් ආනයනය පමණක් බවයි. මෙය පසුගිය යහපාලන රජය තුල රිෂාඩ් බදුර්දීන් වෙළෙඳ ඇමතිවරයා යටතේ සතොස ආයතනය සිදු කළ කූට ව්‍යාපෘතියම බව ඔහු අවධාරණය කළේය.

එහිදී අදහස් දැක්වූ ජාතික ගොවිජන එකමුතුවේ අධ්‍යාපන ලේකම් කේ පී ඩී කරුණානායක මහතා කියා සිටියේ සිංහරාජය ,පිදුරුතලාගල ආදී ස්වභාවික පරිසර පද්ධතිය විනාශයට ලක් කරන වත්මන් ආණ්ඩුව පසුගිය රජය සමයේ විල්පත්තු වන සංහාරය සිදු කළ රිෂාඩ් බදුර්දීන් ඇමතිවරයා සම්බන්ධයෙන් කිසිදු ක්‍රියාමාර්ගයක් අනුගමනය නොකරන ප්‍රතිපත්තියක් ගෙනයන බවත්ය.

https://fb.watch/4mm9X_DcDf/