ජාත්‍යන්තර ප්‍රසිද්ධියට පත් ආහාරපාන සන්නාමයක් වන බ්‍රෙඩ්ටෝක් (BreadTalk) ශ්‍රී ලංකාව තුල සිය අවන්හල් ජාලය වසා දැමිමට තීරණය කර ඇත. බ්‍රෙඩ්ටෝක් අවන්හල් ජාලයේ ශ්‍රී ලංකාවේ මෙහෙයුම් කටයුතු සිදුකල ආර්.අයි.එල්. ප්‍රොපර්ටි සමාගම කොළඹ කොටස් වෙළඳපොලට දැනුම්දී ඇත්තේ 2021 මාර්තු මස 20 දා සිට නැවත දැනුම්දෙන තුරු සියලුම බ්‍රෙඩ්ටෝක් අවන්හල් වසා දැමිමට තීරණය කල බවයි.

අහිතකර වෙළඳපොල තත්වය මත මෙම තීරණය ගැනිමට සිදුවූ බව ආර්.අයි.එල්. ප්‍රොපර්ටි සමාගම වැඩිදුරටත් සඳහන් කරයි.

2000 වසරේදි සිංගප්පුරුවේදි මුලින්ම ආරම්භ කල බ්‍රෙඩ්ටෝක් අවන්හල් ජාලය 2021 වසර වන විට ලොවපුරා රටවල් රැසකට තම ව්‍යාපාරික ජාලය පතුරවා තිබූ අතර කොළඹ නගරය තුල බ්‍රෙඩ්ටෝක් සුපිරි අවන්හල් අටක් පිහිටුවා තිබුණි.