සිසුවියකගේ හදිසි අවශ්‍යතාවක් පිළිබඳව තොරතුරක් දැන ගැනීම සඳහා බත්තරමුල්ලේ පිහිටි, අධ්‍යාපන අමාත්‍යාංශ ප්‍රධාන කාර්යාලයට (ඉසුරුපායට) දුරකථන ඇමතුම් එකසිය අසූපහක් ලබා ගැනීමෙන් අනතුරුව එකසිය අසූ හයවන දුරකථන ඇමතුම මගින් පිළිතුරු ලබා ගැනීමට හැකියාව ලැබීමේ අපූරු පුවතක් අනුරාධපුරයෙන් වාර්තා වෙයි.

පසුගිය 12 දින පෙරවරුවේ සිට ශිෂ්‍යාවක විසින් හදිසි අවශ්‍යතාවක් සඳහා දුරකථනයෙන් අවශ්‍ය උපදෙස් ලබා ගැනීමට උත්සාහ දරා ඇත. අදාළ අංශ සම්බන්ධ කරගැනීම සඳහා එදින පෙරවරු නවයේ සිට ඇමතුම් ලබා ගත් අතර එම දුරකථන නාද වූවද රිසිවරය එසවීමට කිසිවකුත් ඉදිරිපත් වී නැත.

මෙම ශිෂ්‍යාව දුරකථන තුනක් මගින් මෙසේ වරින් වර දුරකථන ඇමතුම් ලබා ගෙන තිබේ. ඉතාම හදිසි අවශ්‍යතාවක් නිසා උත්සාහය අතනොහැරි ඇය පස්වරු 1.30 වන විට දුරකථන ඇමතුම් 185 ක් ගෙන තිබුණි. එම සෑම අවස්ථාවකම දුරකතනය නාද වීම ද සුපුරුදු පරිදි සිදු වූවද පිළිතුරු දීමට කිසිවකුත් ඉදිරිපත් පත් වී නැත. පසුව ලබා ගත් 186 වන දුරකථන ඇමතුමට නිළධාරිණියක් විසින් පිළිතුරු ලබාදීමට කටයුතු කර ඇත. අපේ රටේ රාජ්‍ය සේවය කාර්යක්ෂම වන්නේ කවදා දැයි? ජනතාව ප‍්‍රශ්ණ කරති.
(දිවයින පුවත්)