ඊයේ(10) වාර්තා වූ කොවිඩ් වෛරස ආසාදිත මරණ 4ත් සමඟ වාර්තා වී ඇති සමස්ත කොවිඩ් ආසාදිත මරණ සංඛ්‍යාව 515ක් බව සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතා ප්‍රකාශ කර සිටී.

ඒ අනුව, මෙරටින් මේ දක්වා වාර්තා වී ඇති කොවිඩ් මරණ ගණන 515ක් දක්වා ඉහළ ගොස් තිබේ.

කොළඹ 14 ප්‍රදේශයේ පදිංචිව සිටි 74 හැවිරිදි පිරිමි පුද්ගලයෙක්, කොළඹ 09 ප්‍රදේශයේ පදිංචිව සිටි 57 හැවිරිදි පිරිමි පුද්ගලයෙක්, අලවතුගොඩ ප්‍රදේශයේ 23 හැවිරිදි පිරිමි පුද්ගලයෙක් සහ නුගේගොඩ ප්‍රදේශයේ පදිංචිව සිටි 77 හැවිරිදි කාන්තාවක් එලෙස මියගොස් ඇති බව ප්‍රවෘත්ති අධ්‍යයක්ෂකවරයා නිකුත් කර ඇති නිවේදනයෙන් කියවේ.