හම්බන්තොට යෝජිත අලිවැට ගැසට් කිරීම ඇතුළු කරුණු 6ක් මුල්කර ගනිමින් ගොවි සංවිධාන 86ක නියෝජිතයින් විසින් පසුගිය ජනවාරි 26 වන දින ආරම්භ කළ අදට දින 43ක් පිරෙන සත්‍යග්‍රහයට සහය දක්වමින් අද දිනයේ ගොවි නියෝජිතයින් 1500ක පමණ පිරිසක් උද්ඝෝෂණයක් අරඹා තිබේ.

අනතුරුව ඔවුන් සුරියවැව සිට කොළඹ – කතරගම ප්‍රධාන මාර්ගයේ අම්බලන්තොට තෙක් පැමිණ එහි විරෝධතාවයක් ආරම්භ කළ අතර ඒ හේතුවෙන් කොළඹ – කතරගම ප්‍රධාන මාර්ගය අවහිර වී තිබේ.

විරෝධතාකරුවන් “සක්‍රීය විදුලි වැටක් වහා ඉදිකරනු…“ යනුවෙන් සඳහන් කර ඇති පුවරු අතැතිව උද්ඝෝෂණයේ නියැලෙන අයුරු දක්නට ලැබේ.