දේශීය පුවත්

ජිනීවා මානව හිමිකම් මණ්ඩලයට ඉදිරිපත්ව තිබූ ශ්‍රී ලංකාව පිළිබඳ යෝජනාව; ලක් රජය ඉදිරිපත් කළ යෝජනා සළකා බැලීමෙන් අනතුරුව, ඊයේ (06) දින ඉදිරිපත් කර ඇති යාවත්කාලීන කළ ශ්‍රී ලංකාව පිළිබඳ සංශෝධිත යෝජනාව මගින් කැපී පෙනෙන වෙනස්කම් කිහිපයක් සිදුකර ඇති බව සඳහන්.

ටැමිල් ගාඩියන් වෙබ් අඩවිය ප්‍රකාශ කරන පරිදි සංශෝධිත යෝජනාවට ජගත් මානව හිමිකම් කොමසාරිස්වරිය යෝජනා කර තිබූ ආකාරයෙන් මෙරට මානව හිමිකම් උල්ලංඝනය කිරීම් සම්බන්ධයෙන් චෝදනා එල්ලවී ඇති පුද්ගලයන්ගේ වත්කම් තහනම් කිරීම හෝ සංචාරක තහනම් පැනවීම ඇතුළත් කර නැහැ.

එමෙන්ම ශ්‍රී ලංකාව සම්බන්ධයෙන් ජාත්‍යන්තර අපරාධ අධිකරණය වෙත යොමු කිරීම ද නව යෝජනාවට ඇතුළත් නොවන බව සඳහන්.

එමගින් සඳහන් කර ඇත්තේ ඉදිරියේදී යුද අපරාධ සම්බන්ධයෙන් යුක්තිය පසිඳලීම සඳහා අවශ්‍ය සාක්ෂි එක් රැස් කිරීම, තහවුරු කිරීම, විශ්ලේෂණය සහ සංරක්ෂණය අවශ්‍ය වන බවයි.

එමෙන්ම මානව හිමිකම් සහ ජාත්‍යන්තර මානුෂීය නීතිය උල්ලංඝණය කිරීම සම්බන්ධයෙන් අනාගත වගවීම් ක්‍රියාමාර්ග තහවුරු කළ යුතුයි.

දෙමළ සහ මුස්ලිම් සුළු ජන කොටස් තවදුරටත් කොන්වීම සහ ඔවුන් සම්බන්ධයෙන් බලපෑම් සිදුකිරීම වැළැක්වීම මෙන්ම මාධ්‍ය නිදහස හා ප්‍රජාතන්ත්‍රවාදයේ අවකාශය සුරැකීම වැදගත් වනවා.

යුද්ධයෙන් පීඩාවට ලක්වූවන්ගේ පොදු සිහිගැන්වීම් සඳහා සීමාවන් පැනවීම සඳහා ස්මාරක විනාශ කිරීම සම්බන්ධයෙන් ද අවධාණය යොමුවී ඇති බවයි නව යෝජනා කෙටුම්පතේ දැක්වෙන්නේ.

කවර ආකාරයෙන් කවරෙකු විසින් සිදුකළ ද මෙරට සිදුව ඇති සියලු ආකාරයේ ත්‍රස්තවාදී සහ ප්‍රචන්ඩ අන්තවාදී ක්‍රියා අවිවාදයකින් තොරව හෙළා දකින බවද මානව හිමිකම් මණ්ඩලයට ඉදිරිපත් කර ඇති ශ්‍රී ලංකාව පිළිබඳ යෝජනාවලියේ නව සංශෝධනවලට ඇතුළත්.

විසිවන සංශෝධනය සම්බන්ධයෙන් මානව හිමිකම් කොමසාරිස්වරියගේ වාර්තාවට ඇතුළත්ව තිබූ ප්‍රකාශයද නව කෙටුම්පතේ සංශෝධනය කර තිබෙනවා.

විසිවන සංශෝධනය සඳහා වූ මංපෙත් සහ ක්‍රියාමාර්ග යන්න වෙනුවට එහි දැක්වෙන්නේ විසිවන සංශෝධනය බලගැන්වීම යන වදනයි.

කෙසේ නමුත් ස්වාධීන ආයතනවල ක්‍රියාකාරීත්වය ව්‍යවස්ථා සංශෝධන මගින් තහවුරු විය යුතු බව නව යෝජනාවේද අඩංගු කරුණක්

තොරතුරු පහත ලින්ක් එකෙන්

https://www.tamilguardian.com/content/tweaked-un-resolution-sri-lanka-still-falls-short-accountability



Leave a Reply

Your email address will not be published. Required fields are marked *

ප‍්‍රධාන පුවත්

යුරි ගගාරීන්ගේ හදවතේ රැඳි රටේ ස්වභාවික සුන්දරත්වය අපි ආරක්ෂා කළාද?

දැනට වසර 60කට පෙර 1961 අප්‍රේල් 12 වන අද වැනි දිනකදී තම මවු බසින් "Poyekhali!" (Let's Go!) යනුවෙන් පවසා ලොව අභ්‍යවකාශ තරණයේ...


Read More

යුද අපරාධකරුවන්වූ යුද විරුවන් හිටපු ජනපති මෛත්‍රීපාල සිරිසේන මහතාට නිතිපතා පිං දිය යුතුයි – යසස් ධර්මදාස, ගෝලීය ශ්‍රී ලාංකික සංසදයේ විධායක ලේකම්

පසුගිය 46 වන ජිනීවා සැසිවාරයේදී ශ්‍රී ලංකාව විසින් ඉල්ලා සිටින ලද "ගෑෂ්" වාර්තා ලබාදීම එංගලන්තය විසින් ප්‍රතික්ෂේප කර තිබීම...


Read More

විපක්ෂයේ ජවනිකාව දැක්කාම හිරේ ඉන්න රන්ජන් රාමනායකට, “බඩ කපාගෙන මැරෙන්න” හිතෙන්න ඇති – අමාත්‍ය විමල් වීරවංශ

මේ රටේ අතිමහත් පොදු ජනතාව ඉතා බලවත් බලාපොරොත්තු පෙරදැරි කරගනිමින් ගොඩනඟාදුන් ගමනක් එහි අඩුපාඩු නැති කොට, වඩා සවිමත්ව ඉදිරියට ගෙනයාමේ වගකී...


Read More