ත්‍රිකුණාමළ වරාය ආසන්නයේ පිහිටා තිබෙන තෙල් ටැංකි සංකීර්ණය සතු අක්කර 100ක් මුලින් IOC සමාගමට ලබා දෙන බවද එය අක්කර 500 දක්වා පුළුල් කළ හැකි බව ද ලංකා ඛණිජ තෙල් නීතිගත සංස්ථාවේ සභාපති සුමිත් විජේසිංහ මාධ්‍යයට ප්‍රකාශ කර තිබේ.

මේ මඟින් IOC සමාගම විසින් දකුණු ආසියානු ඛණිජ තෙල් කේන්ද්‍රය ලෙසට තෙල් ටැංකි සංකීර්ණය සහ ත්‍රිකුණාමළ වරාය මෙන්ම ආශ්‍රිත භූමි ප්‍රදේශය ද යොදා ගැනීමට නියමිතය.

මේ අතර මීට පෙර ඛණිජ තෙල් ඇමති උදය ගම්මන්පිල ප්‍රසිද්ධියේ ප්‍රකාශ කළේ මේ වනවිටද ඓOC සමාගමට ලබා දී තිබෙන තෙල් ටැංකි සංකීර්ණයට අයත් තෙල් ටැංකිවල අයිතිය ලංකාවට ලබා දීමට ඉන්දීය මහකොමසාරිස්වරයා එකඟ වූ බවය. එහෙත් ඇමතිවරයා එම ප්‍රකාශ කර පැය කිහිපයක් යාමට පෙර ඉන්දියානු මහ කොමසාරිස් කාර්යාලය විසින් ඒ බව ප්‍රතික්ෂේප කරනු ලැබීය.

මේ වනවිට ඛණිජ තෙල් නීතිගත සංස්ථාවේ සභාපතිවරයා හෙළි කර තිබෙන කරුණු අනුව එම තෙල් ටැංකි සංකීර්ණය මුළු මනින්ම ලංකාවට අහිමි වී එම වරායද අහිමි වන තත්වයක් උදා වී ඇති බව සනාථ වේ.