මාධ්ය හමුවකට එක්වෙමින් මැල්කම් කාදිනල් රංජිත් හිමිපාණන් ප්රශ්න කර සිටින්නේ පාස්කු ප්රහාරයේ මහ මොළකරුවන් හා අනුබල දුන් පුද්ගලයින් වසර 2ක් ගත වුවත් නීතිය හමුවට ගෙන ඒමට නොහැකි වුයේ මන්ද යන්නයි.
වගකිව යුතු නිළධාරීන් විසින් පාස්කු ප්රහාරයේ සැබෑ මහ මොළකරුවන් අප්රමාදව නීතිය ඉදිරියට ගෙන ඒමට කටයුතු කළ යුතු බව කාදිනල් හිමියන් වැඩිදුරටත් පැවසීය.
“ජනාධිපති කොමිෂන් සභාව සිය කටයුතුවල යෙදෙන අතර තුර රටේ ආරක්ෂාව භාර අදාළ ආයතන වන අපරාධ පරීක්ෂණ දෙපාර්තමේන්තුව, ත්රස්ත විමර්ශන ඒකකය සහ රාජ්ය බුද්ධි සේවය යන ආයතන මෙම සාපරාධී මිනිස් ඝාතනය පිළිබඳ පරීක්ෂණ ගැඹුරින් සිදුකළාදැයි විශාල සැකයක් අප සතුව තියෙනවා. පාස්කු ප්රහාරයේ මහ මොළකරුවන් කොටුකර ගැනීමට මෙම රාජ්ය අංශ කටයුතු කරන බවක් පෙනෙන්නට නොමැති බව පැහැදිලිව ප්රකාශ කරන්නට ඕනේ. යම් යම් දේවල් කරලා තිබුණත් ඒවා ඕනෑවට එපාවට කරනවා වගේ තමයි අපිට පෙනෙන්නේ. ඒ නිසා බළධාරීන්ගෙන් අහන්නේ, මේ ප්රහාරවලට මුල්වු මහ මොළකරුවන් ඒවාට අනුබලදුන් අය, මුදල් දායකත්වය දුන් අය වගේම ඒවා සම්බන්ධයෙන් පවත්වන්නට යෙදුනු විවිධ විමර්ශනයන් දුර්වල කිරීමට හා කඩාකප්පල් කිරීමට අතගැසු අය ගැන පරීක්ෂණ පවත්වා ඒ සියළුම අය නීතිය හමුවට ගෙන්වීමට වසර 2ක් ගත වුවත් තවමත් නොහැකි වුණේ ඇයි ද යන්න අපට පැහැදිලි කර දෙන්න. සමහර අවස්ථාවල උසස් නිළධාරීන්ට බළපෑම් කළා, මේ විමර්ශන ගැන අයුතු දේශපාළන බලපෑම් කරපු අය ගැන ආරංචි අපිට ලැබිලා තියෙනවා.“
අපට අවශ්ය වන්නේ මෙම ම්ලේච්ඡ ප්රහාරයට සෘජුවම සම්බන්ධ වූ අය හා ඊට අනුබල දුන් අය අනාවරණය කර ගැනීම මිස ජාතික බෞද්ධ සංවිධාන තහනම් කිරීම නොවේ. එවැනි නිර්දේශ නිසා පාස්කු ප්රහාරයේ සැබෑ කතුවරු සොයායෑමේ උත්සාහය වෙනුවට විමර්ශණ වෙනත් මඟකට යොමු කරනු ලබනවා.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්ය...
අනුරාධපුර දිස්ත්රික් පාර්ලිමේන්තු මන්ත්රී ජනප්රිය රංගන ශිල්පී උද්දික ප්රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්රී ලාංකිකයන් 4 දෙනා නැවතත් ශ්රී ලංකාවට එවීමට...