බීජිං හි පිහිටි ආසියානු යටිතල පහසුකම් ආයෝජන බැංකුව (AIIB) සිය COVID -19 හදිසි හා අර්බුද ප්‍රතිචාර පහසුකම යටතේ ශ්‍රී ලංකාවට ඇමරිකානු ඩොලර් මිලියන 180 ක ණය මුදලක් අනුමත කර ඇති බව එම බැංකුවේ උප සභාපතිවරයා සමඟ චීනයේ ශ්‍රී ලංකා තානාපති පාලිත කොහානා පැවැත්වූ සාකච්ඡාවකදී දැනුම් දී තිබේ.

ශ්‍රී ලංකාවේ අත්හිටවූ සැහැල්ලු දුම්රිය සංක්‍රමණ ව්‍යාපෘතියට ද අරමුදල් සැපයීමට බැංකුව සූදානම් බව උප සභාපතිවරයා පවසා ඇත.

පුනර්ජනනීය බලශක්ති ප්‍රභවයන් අඩු මිලකට සංවර්ධනය කිරීම සඳහා එවැනි පුනර්ජනනීය ව්‍යාපෘති ලංකාවේ පෞද්ගලික සමාගම් ආරම්භ කරන්නේ නම් ඒ සඳහා 35% අරමුදල් සැපයීමට සූදානම් බවත් රජය මගින් ආරම්භ කරන්නේ නම් 80% අරමුදල් ලබාදීමට සූදානම් බවත් AIIB උප සභාපතිවරයා පාලිත කොහොන වෙත දනුම් දී තිබේ.