කොවිඩ් – 19 ආසාදිතව මියයන පුද්ගලයන්ගේ මෘතදේහයන් භූමදානයට අවසර දෙන බවට නිර්දේශිත ගැසට් පත්රය පෙරේදා (25) රාත්රියේ ප්රකාශයට පත්කළ නමුත් ඊට අදාළ කොන්දේසි මෙන්ම රෙගුලාසි මේ වන තුරුත් නියම කර නොමැති බැවින් එසේ මියයන පුද්ගලයන්ගේ මෘතදේහයන් භූමදානය කිරීමේදී කටයුතු කළ යුතු ආකාරය සම්බන්ධයෙන් වන විධි විධාන කඩිනමින් නිකුත් කිරීම සම්බන්ධයෙන් අවශ්ය නිර්දේශ, කොන්දේසි සහ රෙගුලාසි මොනවාද යන්න සාකච්ඡා කර තීරණයක් ගැනීම සඳහා සෞඛ්ය අමාත්යංශ නිළධාරීන් අතර විශේෂ සාකච්ඡාවක් අද (27) පැවැත්වීමට නියමිතය.
සෞඛ්ය අමාත්ය පවිත්රා වන්නිආරච්චි මහත්මියගේ ප්රධානත්වයෙන් පැවැත්වීමට නියමිත එම සාකච්ජාවට සෞඛ්ය සේවා අධ්යක්ෂ ජනරාල්වරයා ඇතුළු ඉහළපෙලේ සෞඛ්ය බළධාරීන් කිහිපදෙනෙකු එක්වීමට නියමිත වන අතර ඒ සම්බන්ධ නිර්දේශ, කොන්දේසි සහ රෙගුලාසි ලබන සතියේ මුල ප්රසිද්ධ කිරීමට නියමිතය.
කොවිඩ් ආසාදිත සිරුරු භූමදානය කරන්නේ නම් ඒ සඳහා ජන ශූන්ය ප්රදේශයක් තෝරාගෙන, රජයේ සෞඛ්ය බළධාරීන්ගේ අධීක්ෂණය ඇතිව, සිරුරු භූමදානය කිරීම සම්බන්ධයෙන් සෞඛ්ය බළධාරීන්ගේ අවධානය යොමු වී ඇති බව එම ආරංචි මාර්ග පැවසීය.
කොවිඩ් – 19 වයිරසය ශ්රී ලංකාවට පැමිණි 2020 මාර්තු මාසයේ සිටම එම වෛරසය අසාදිතයකු මිය ගිය අවස්ථාවලදී ඒ සෑම සිරුරක්ම අදාහනය කරනු ලැබිණ.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්ය...
අනුරාධපුර දිස්ත්රික් පාර්ලිමේන්තු මන්ත්රී ජනප්රිය රංගන ශිල්පී උද්දික ප්රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්රී ලාංකිකයන් 4 දෙනා නැවතත් ශ්රී ලංකාවට එවීමට...