ජනාධිපති ගෝඨාභය රාජපක්ෂ මහතා විසින් පාස්කු ප්රහාරය පිළිබඳ සොයාබැලීමට පත්කළ ජනාධිපති පරීක්ෂණ කොමිෂන් සභා වාර්තාවේ නිර්දේශ අධ්යයනය කිරීම සඳහා පත්කර ඇති කැබිනට් අනු කමිටුව අද (22) පළමු වරට රැස්වීමට නියමිත බව වාර්තාවේ.
කැබිනට් අනු කමිටුවේ සභාපති අමාත්ය චමල් රාජපක්ෂ මහතාගේ ප්රධානත්වයෙන් මෙම කමිටුව රැස්වීමට නියමිතය.
ගෝඨාභය රාජපක්ෂ මහතා විසින් පසුගියදා මෙම කැබිනට් අනු කමිටුව පත්කරනු ලැබුවේ පාස්කු ඉරිදා ප්රහාරය පිළිබඳ විමර්ශන වාර්තාවේ ඇතුළත් කරුණු සහ නිර්දේශ ගැඹුරින් අධ්යයනය කර ඒ පිළිබඳව ක්රියා කළයුතු ආකාරය ජනාධිපතිවරයාට වාර්තා කිරීමට බව වාර්තාවිය..
ජොන්ස්ටන් ප්රනාන්දු, උදය ගම්මන්පිල, රමේෂ් පතිරණ, ප්රසන්න රණතුංග සහ රෝහිත අබේගුණවර්ධන යන අමාත්යවරුන් මෙම කමිටුවේ සෙසු සාමාජිකයින් වන්නේය.
අමාත්ය චමල් රාජපක්ෂ මහතා අද දිනයේ කමිටුව රැස්වී අදාළ වාර්තාව පිළිබඳ මූලික අධ්යයනයක් සිදු කිරීමට බලාපොරොත්තුවන බව මාධ්යය වෙත අදහස් දක්වමින් පවසා සිටියේය.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්ය...
අනුරාධපුර දිස්ත්රික් පාර්ලිමේන්තු මන්ත්රී ජනප්රිය රංගන ශිල්පී උද්දික ප්රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්රී ලාංකිකයන් 4 දෙනා නැවතත් ශ්රී ලංකාවට එවීමට...