කොවිඩ් – 19 ඇස්ට්‍රසෙනෙකා එන්නත ලබාගතයුතු අවදානම් ලැයිස්තුවේ පාර්ළිමේන්තු මන්ත්‍රීවරුන් 225ම නම් ඇතුලත්ව තිබුන ද අද දිනය අවසන් වන විට ඇස්ට්‍රාසෙනෙකා කොවිඩ් එන්නත ලබාගෙන ඇත්තේ පාර්ළිමේන්තු මන්ත්‍රීවරුන්ගෙන් 19 දෙනෙකු පමණක් බව වාර්තාවේ.

ජනතාවගෙන් මිලියනයක ප්‍රමාණයක් හෝ එන්නත් කරන තෙක් තමන් එන්නත ලබා නොගන්නා බව මන්ත්‍රී හරීන් ප්‍රනාන්දු සහ මනූෂ නානායක්කාර මන්ත්‍රීවරුන් පවසා තිබුණි.

ආණ්ඩුවේ ප්‍රබල ඇමතිවරයෙකු වන මහින්දානන්ද අළුත්ගමගේ මහතා ද එන්නත ලබා ගැනීම පස්සට කල් දමා ඇත්තේ පොදු මහජනතාව අතරෙන් එන්නත අවශ්‍ය කෙනෙකුට එම අවස්ථාව ලබා දීම සඳහා තමන් එන්නත ලබා ගැනීමෙන් වැලකී සිටින බව අමාත්‍යවරයා පවසා තිබේ.

මේ අතර මෙම එන්නත ඉක්මනින්ම ජනතාවට ලබාදිය යුතු යයි පුන පුනා ප්‍රකාශ කළ අනුර කුමාර දිසානායක, පාඨලී චම්පික, සුදර්ශනී ෆනෑන්ඩුපුල්ලේ, සජිත් ප්‍රේමදාස ඇතුළු අනෙක් මැති ඇමතිවරුන් තමන් විසින් ද එන්නත ලබාගෙන එය ක්‍රියාවෙන්ම පෙන්නුම් කරන තෙක් විමසිළිමත් ජනතාව බලා සිටිති.