අධිකරන ඇමති සබ්රිට උවමනා උනාට ව්‍යවස්ථාවේ 9 වැනි වගන්තිය වෙනස් කරන්න දෙන්නේ නෑ. හිටපු මන්ත්‍රී උදයශාන්ත ගුණසේකර කියයි. මේ බව සදහන් කර සිටියේ අද(13) දින රාජගිරියේ පැවති ප්‍රවෘත්ති සාකච්ඡාවකට සහභාගි වෙමිනි.

ඊයේ(12) පාර්ලිමේන්තුවේදි ප්‍රකාශයක් කරමින් අධිකරන අමාත්‍ය වරයා සදහන් කර සිටියේ මුස්ලිම් ජනතාවට අදාල නිති වෙනස් කරනවානම් ව්‍යවස්ථාවේ සදහන් සියලු පුද්ගල නිති වෙනස් කල යුතු බවයි.

තමා උගත් නීතිය අනුව විහාර දේවාළගම් පනත පුද්ගල නීතියක් නොවන බවත් එක රටක් එක නීතියක් සංකල්පය ගොඩනැඟීම සඳහා අහෝසි කළ යුත්තේ උඩරට, තේසවළාමේ සහ මුස්ලිම් නීති බවත් ඔහු පෙන්වා දෙයි.

මෙම මාධ්‍ය හමුවට පූජ්‍ය දෙහිපෙ චන්දවිමල හිමි සහ විදුලි ඉංජිනේරු උපාලි හේරත් මහතාද සහබාගි විය.