න්‍යෂ්ඨවීගිය ශාක විශේෂයක් ලෙස ජාතික රතු දත්ත නාමාවලියේ (2012) සඳහන් වූ Crudia Zelanica හෙවත් “පණු කරඳ” නම් ශාකය ගම්පහ දාරලුව දුම්රිය ස්ථානය ආසන්නයේ පරිසර පද්ධතියෙන් හමුවීම සහ එය රැකගැනීමේ වැදගත්කම පිළිබඳ උසස් පෙළ ජීව විද්‍යා දේශක තිස්ස ජනනායක මහතා සිදුකරනු ලැබූ විශේෂ හෙළිදරව්ව සමාජ මාධ්‍යට මුදා හැර තිබේ.

එහිද අදහස් දැක්වු උසස් පෙළ ජීව විද්‍යා දේශක තිස්ස ජනනායක මහතා පැවසුවේ;

“අපොස උසස් පෙළ ජීව විද්‍යාව 13 ශ්‍රේණිය සම්පත් පොත, ඒකේ තියනවා ජීව විශේෂ නෂ්ඨ වීම කියලා. ජීව විශේෂයක් නෂ්ඨ වෙනවා කියලා අදහස් කරන්නේ , ජීව විශේෂයක හිටපු අන්තිම සාමාජිකයත් මේ ලෝකයෙන් තුරන් වෙලා යෑම. ඒ ගොල්ලො නැවත දකින්න ලැබෙන්නේ නෑ. එතකොට රනිල ශාකයක් තියෙනවා කෘඩියා සිලනිකා , ශ්‍රී ලංකාවේ. ඒක ලෝක උරුමයක්. ඒක ආරක්ෂා කිරීම ඕනෑම රජයක ප්‍රධානතම කර්යභාරයක්”