ශ්‍රී ලංකා පොදුජන පෙරමුණ මූලස්ථානය දී පැවති මාධ්‍ය හමුවක් අමතමින් පාර්ලිමේන්තු මන්ත්‍රී තිස්ස කුට්ටිආරච්චි මහතා පවසා සිටියේ බැසිල් රාජපක්ෂ මහතාට මෙරට ජනාධිපතිවරයා බවට පත් වීමට ඉතා පැහැදිලිව සුදුසුකම් තිබෙන බවයි.

එහිදී ඔහු අවධාරණය කළේ බැසිල් රාජපක්ෂ මහතා මෙරට රාජ්‍යය නායකත්වය සඳහා දිනක ඉදිරිපත් වන්නේ නම් බහුතර ජනතාවත් සමග එළියට බැස පසුපෙළ මන්ත්‍රීවරු ලෙස තමන්ද පෙනී සිටින බවයි.

තිස්ස කුට්ටිආරච්චි මහතා වැඩිදුරටත් සඳහන් කළේ “බැසිල් රාජපක්ෂ මහතා විසින් පොහොට්ටුවක් බිහි නොකළේ නම් අද ආණ්ඩුවක් නැහැ.” යනුවෙනි.
කෙසේ වුවද තිස්ස කුට්ටි ආරච්චි මහතා 2014 දෙසම්බර් මාසය දක්වා එක්සත් ජාතික පක්ෂය නියෝජනය කරමින් ඌව පළාත් සභාවේ මන්ත්‍රීවරයෙකු ලෙස කටයුතු කළේය.ඉන් පසුව තිස්ස කුට්ටි ආරච්චි මහතා 2014 දෙසැම්බර් 15 පැවැති ජනාධිපතිවරණයේදී මහින්ද රාජපක්ෂ මහතාට සහයෝගය දීමට කටයුතු කළ අතර මහින්ද රාජපක්ෂ මහතා ජනාධිපතිවරණයෙන් පැරදුනු වහාම “තමන් නැවත මහගෙදරට” පැමිණියේ යැයි කියමින් එක්සත් ජාතික පක්ෂයට එකතු වී නැවත එජාප ඌව පළාත් සභා මන්ත්‍රීවරයෙකු ලෙස කටයුතු කළේය.