විදේශයන්හි සිරවී සිටින ශ්රී ලාංකික ශ්රමිකයන් කඩිනමින් ගෙන්වා ගැනීමට හැකියාව ලැබෙනු ඇති බවට විශ්වාසය පල කල හැකි බව අග්රාමාත්යය මාධ්යය ලේකම්වරයා නිකුත් කළ නිවේදනයකින් පැවසේ. අග්රාමාත්යය මහින්ද රාජපක්ෂ සහ රාජ්ය අමාත්ය පියංකර ජයරත්න ඇතුළු තවත් වගකිවයුත්තන් පිරිසක් සමඟ කළ සාක්ච්ඡාවකින් අනතුරුව අග්රාමාත්යයවරයා මෙසේ පැවසූ බව අග්රාමාත්යය ලේකම් රොහාන් වැලිවිට මහතා මාධ්යය නිවේදනයක් නිකුත් කරමින් පවසා සිටියි.
සම්පූර්ණ මාධ්යය නිවේදනය පහතින්
මෙරටට පැමිණීමට බලාපෙරොත්තුවෙන් සිටින විදේශගත ශ්රී ලාංකික ශ්රමිකයන් කඩිනමින් ගෙන්වීමට පියවර ගන්නැයි අග්රාමාත්ය මහින්ද රාජපක්ෂ මහතා උපදෙස් ලබා දුන්නේය.
විදෙස්ගත ශ්රී ලාංකික ශ්රමිකයන් මෙරටට ගෙන්වා ගැනීම පිළිබඳව අරලියගහ මන්දිරයේ දී පැවැති සාකච්ඡාවකදී අග්රාමාත්යතුමා මේ බව අවධාරණය කළේය.
ආර්ථික අපහසුතාවලින් පෙලෙන විදෙස්ගත ශ්රී ලාංකික ශ්රමිකයන් විශාල පිරිසක් මෙරටට පැමිණීමට නොහැකිව පීඩාවට පත්ව ඇතැයි රාජ්ය අමාත්ය පියංකර ජයරත්න මහතා මෙහිදී පෙන්වා දුන්නේය.
ඒ අනුව කොවිඩ්-19 වැළැක්වීමට අදාළ ජනාධිපති කාර්ය සාධක බලකාය සමඟ සාකච්ඡා කරමින් මෙම ශ්රමිකයන් කඩිනමින් මෙරටට ගෙන්වා ගැනීමට කටයුතු කරන බවට අග්රාමාත්යතුමා මෙහිදී විශ්වාසය පළ කළේය.
ඒ අනුව මෙම ශ්රමිකයන් රැගෙන එන මඟී ගුවන් යානා සඳහා අවශ්ය අවසර ලබාදීම සහ ඔවුන්ගේ පී.සී.ආර් පරීක්ෂණ ඉටුකර දීම සම්බන්ධයෙන් ද මෙම සාකච්ඡාවේ දී අවධානය යොමු විය.
මෙසේ පැමිණෙන ශ්රමිකයන්ට අවශ්ය නිරෝධායන කටයුතු සඳහා තම තමන්ගේ නිවෙස්වල ඉඩ පහසුකම් අනුව අවසර ලබා දිය හැකිද යන්න පිළිබදවද ජනාධිපති කාර්ය සාධක බලකායේ අවධානය යොමු කරන බව අග්රාමාත්ය මහින්ද රාජපක්ෂ මහතා පැවසීය.
මේ වනවිට විදෙස්ගත ශ්රී ලාංකික ශ්රමිකයන් 32000ක් පමණ මෙරටට ගෙන්වාගෙන ඇති අතර තවත් 22483 දෙනෙක් සිය මව්බිමට පැමිණීමේ අපේක්ෂාවෙන් පසුවෙති.
නිරෝධායන මධ්යස්ථානවල පවතින ඉඩ ප්රමාණය සැලකිල්ලට ගනිමින් මේ දක්වා එම ශ්රමිකයන්ට මෙරටට පැමිණීමේ ගුවන් පහසුකම් සැලසූ බව ශ්රිලන්කන් ගුවන් සේවයේ සභාපති අශෝක් පතිරගේ මහතා පැවැසීය.
රොහාන් වැලිවිට
අග්රාමාත්ය මාධ්ය ලේකම්
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්ය...
අනුරාධපුර දිස්ත්රික් පාර්ලිමේන්තු මන්ත්රී ජනප්රිය රංගන ශිල්පී උද්දික ප්රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්රී ලාංකිකයන් 4 දෙනා නැවතත් ශ්රී ලංකාවට එවීමට...