කළුතර වලල්ලාවිට පැවති ගම සමඟ පිළිසඳරක් වැඩසටහන සදහා එක්වෙමින් ජනාධිපති ගෝඨාභය රාජපක්ෂ මහතා සඳහන් කර සිටියේ කොවිඩ් – 19 වෛරසය සඳහා අනුමත කර ඇති ඇස්ට්‍රාසෙනෙකා (AstraZeneca) එන්නත් මුල්වටයේදී ලක්‍ෂය 06 ක තොගයක් එළඹෙන 27 වනදා මෙරටට ඉන්දියාවෙන් ලැබෙන බව යි.

මුලින්ම ලැබෙන එන්නත් තොගය පළමුවෙන්ම සෞඛ්‍ය සේවයේ සහ ආරක්ෂක අංශ වල සේවයේ නියුතු පිරිසට ලබාදෙන බව පැවසූ ජනාධිපතිවරයා ඉන් අනතුරුව වෛරස ආසාදනයට වැඩි ඉඩක් ඇති පිරිසට ලබා දෙන බවද පවසා සිටියේය.

මේ අතර මෙම එන්නත් ගෙන්වාගැනීම සඳහා සකස් කර ඇති ගිවිසුමට අදාලව වැඩිදුර පැහැදිලි කිරීමක් තමන් වෙත යොමු කරන ලෙස නීතිපති දප්පුල ද ලිවේරා මහතා විසින් සෞඛ්‍ය සේවා අධ්‍යක්ෂ ජෙනරාල් වරයාට ඊයේ (22) දින දන්වා ඇත.