කොවිඩ් – 19 වෛරසය පාළනය සඳහා ඔක්සිජන් බහුල පිරිසිදු වාතාශ්‍රය ඉතා වැදගත් වන බව රුසියාවේ ප්‍රතිශක්තිකරණ විශේෂඥයකු වන ව්ලැඩිමීර් බොලිබොක් (Vladimir Bolibok) එරට “ස්පුට්නික් ගුවන් විදුලිය” (Sputnik Radio) හරහා රුසියාවේ ජනතාවට හෙළිදරව් කර ඇත.

කොවිඩ් – 19 වෛරසය පුද්ගලයින්ගේ ස්වසන පද්ධතියට හානි කළ ද ඔක්සිජන් බහුල පිරිසිදු වාතාශ්‍රය මගින් පුද්ගලයින්ගේ ප්‍රතිශක්තිය වර්ධනය වන බැවින් ඕනෑම වෛරසයක ක්‍රියාකාරිත්වය දුර්වල කරන බවත් අපිරිසිදු වාතාශ්‍රය ඇති පරිසරයකදී පුද්ගලයින්ගේ ප්‍රතිශක්තිය පහල යන බැවින් ඕනෑම වෛරසයක ප්‍රබලත්වය ඉහල යන බවත් ඔහු අවධාරණය කර තිබේ.

විශේෂයෙන්ම නිදන කාමරයේ වාතාශ්‍රය පිළිබඳව අවධානය යොමු කොට ඒ සම්බන්ධයෙන් සැලකිලිමත් වන ලෙසට ඔහු මඟපෙන්වා ඇත.

මේ අතර එක්සත් රාජධානි සෞඛ්‍ය දෙපාර්තමේන්තුව (British Department for Health) පසුගිය නොවැම්බර් මස ප්‍රකාශ කර තිබුනේ පිරිසිදු වාතාශ්‍රය වෛරස අවදානම 70%කින් අඩු කරන බවයි.