කොළඹ වරායේ නැගෙනහිර පර්යන්තය සම්බන්ධයෙන් අමාත්‍ය මණ්ඩලය පත්කළ සාකච්ඡා කිරීමේ කමිටුවට හෙට (16) දිනයේදී සිය යෝජනා ඉදිරිපත් කරන බව කොළඹ වරායේ නැගෙනහිර පර්යන්තය සුරැකීමේ වෘත්තිය සමිති එකමුතුව පවසයි.

වරාය අධිකාරියේ වෘත්තිය සමිති 23ම නියෝජනය කරන මෙම එකමුතුව අද (15) පස්වරුවේ රැස්වූ අවස්ථාවේ දී මෙම තීරණයට එළැඹ තිබේ.

වරාය අධිකාරියේ වාණිජ කර්මාන්ත හා සේවා ප්‍රගතිශීලි සේවක සංගමයේ ප්‍රධාන ලේකම් ශ්‍යාමල් සුමනරත්න මහතා සඳහන් කළේ, ” ජනාධිපතිතුමා විසින් අපිට කැබිනට් ඇපොයින්ටඩ් නෙගොෂියේෂන් කමිටි එකට අපේ යොජනා සහ ඒ සාකච්ඡා කරන්න හෙට 10ට අපිට වෙලාව දිලා තියෙනවා. ඒ නිසා අද වරාය අධිකාරියේ වෘත්තිය සමිති 23 එකතුවෙලා සාකච්ඡා කළා. එතනදී හැමදෙනාගෙම එකමතික තීරණය වුණේ වෘත්තිය සමිති 23ට නෙමේ මේ ප්‍රශ්ණය අදාළ, මුළු රටටමයි අදාළ. ඒ නිසා නැගෙනහිර පර්යන්තය සුරැකීමේ ජාතික සභාව තියේනවා. ඒ සභාව එක්ක අපි සාකච්ඡා කරන්න ඕනේ. ඒ නිසා හෙට ගිහිල්ලා ඒ යෝජනා ටික කැබිනට් ඇපොයින්ටඩ් කමිටි එකට භාර දෙනවා.” යනුවෙනි.