2017 අගෝස්තු 21 දා අරලියගහ මැඳුරේදී එවකට සිටි අග්‍රාමාත්‍යවරයා හමු වී එන ගමන් සිදු කළ ප්‍රකාශය අධිකරණයට අපහාස කිරීමක් යැයි චෝදනා ලැබ වසර හතරක බරපතළ සිර දඬුවම් හිමි වූ රන්ජන් රාමනායකට පැය කිහිපයක් තුළ මන්ත්‍රීකම ඇතුළු සියල්ල අහිමි විය. දැන් ඔහු හිරේය.එහෙත් ඔහුට සිරගත වෙන්නට පාර කැපූ ,එම ප්‍රකාශය කරන්නට මඟ පෙන්වූ තැනැත්තා රන්ජන් වෙනුවෙන් ප්‍රකාශයක් හෝ නිකුත් කළේ නැත .ඒ ඔහුගේ හැටිය.

රන්ජන්ට සිර දඬුවම් හිමි වූ අවස්ථාවේ තමන් සමග සිටි නීතිඥයෙකු ගේ දුරකථනයෙන් රන්ජන් තමන්ට අත් වූ ඉරණම ගැන රන්ජන්ට එදා උපදෙස් දුන් තැනැත්තාට දැනුම් දෙනු ලැබ ඇත. ඊට රන්ජන් ට ලැබුණු ප්‍රතිචාරය ඉතාම උදාසීන වූවකි. රන්ජන් බෙහෙවින් දුකට පත්ව දුරකථනය තැබීය. ඉන්පසු රන්ජන් හිරගෙදරට ගිය අතර උපදේශකයා කොළඹ 7 සුවෙන් සිටී.

මේ උපදේශකයා දේශපාලනඥයන් සහ දේශපාලන පක්ෂ ඇති කිරීමට වඩා නැති කිරීමට නම් දැරූවෙකි. නමින් ඔහු සිංහයෙකි. නමේ ඉතිරි කොටස සිතා ගැනීම ඔබට භාරය.