කිරිපිටි මිල අද (04) මධ්‍යම රාත්‍රියේ සිට ඉහළ දමා තිබේ.

ඒ අනුව හෙට (05) සිට නිෂ්පාදනය කරන සියලුම කිරිපිටි සඳහා මෙම මිල ඉහළ දැමීම බලපානු ඇත.

ළදරු කිරිපිටිවල මිල ගණන් කිසිදු වෙනසක් සිදු වන්නේ නැත.

කිරිපිටි වර්ගවල මිල ඉහළ දැමීම සඳහා ජීවන වියදම් කමිටුව පාරිභෝගික කටයුතු පිළිබඳ අධිකාරිය වෙත නිර්දේශ ඉදිරිපත් කර තිබිණි.

ඒ අනුව ගෑම් 400 කිරිපිටි පැකට්ටුවක මිල රුපියල් 20 කින් සහ කිලෝග්‍රෑමයක කිරිපිටි පැකට්ටුවක මිල රුපියල් 50කින් ඉහළ දැමීමට ජීවන වියදම් කමිටුව නිර්දේශ කර ඇත.

කිරිපිටි මිල 2015 වසරේ සිට වැඩි කර නොමැති අතර මිල වැඩිකිරීම සම්බන්ධයෙන් කිරිපිටි සමාගම් විසින් ඉල්ලීම් ඉදිරිපත් කර තිබූ බව වාර්තා වේ.

කෙසේවෙතත් සමාගම් ඉල්ලා සිටි මිලට වඩා අඩු මිලකින් කිරිපිටි මිල වැඩිකිරිමට ඊයේ (03) රැස්වූ ජීවන වියදම් කමිටුව තීරණය කර තිබේ.

කිරිපිටි මිල වැඩිකිරිමට අදාළ ගැසට් නිවේදනය අද (04) පස්වරුවේ නිකුත් කිරීමට කටයුතු කරන බව පාරිභෝගික කටයුතු පිළිබඳ අධිකාරිය සඳහන් කළේය.